[A:277a]la phyag mkhar thug thug mdzad nas rnal 'byor ma rnams/ de ring rnal 'byor pa la bsod snyoms shig zhu'o gsungs pas/ mchod khang gi sgo 'phar nas nas phyir mang du byung / yul mi thams cad kyis blangs kyang zhag lnga'i bar du nas ma zad pa'i grub rtags bstan/ bdun cu la gshegs/ khong mched kyi dbon po khro phu lo tsA ba/ yab jo phan/ lo bcu lon pa la rgyal tsha dang kun ldan gyis mkhan slob mdzad de dge tshul bsgrubs/ mtshan byams pa dpal bu btags/ gtsang dkar la gsan pa mang du mdzad/ lce don kun bzang la lo brgyad cu 'gro ba zhig la rdor dbyings sogs dkyil 'khor lnga brgya lhag tsam zhig gi lag len bslabs/ 'bri mtshams pa zhang dge ba zer ba zhig la lo tsA phul du phyin pa sbyangs/ bcu dgu pa la rgyal tshas mkhan po/ gtsang dkar gyis slob dpon/ kun ldan ras pas gsang ston mdzad de bsnyen par rdzogs/ gtsang nag la 'dul ba lo gnyis nyan/ kun ldan dang rgyal tsha la gdam ngag lugs mi 'dra ba brgya dang sum cu rtsa drug bka' babs bcu gsum yod pa gsan/ nyer bzhi pa la bal por chas/ paN chen buddha shrI bsten/ mi tra dzo ki mjal bod du spyan drangs/ khro phu'i gnas bzhi'i sa byin gyis brlabs/ de rting buddha shrI spyan drangs/ de'i rjes su gro mo brgyud/ bai DUr tshong 'dus su byon/ kha che paN chen spyan drangs/ lha mo che khru brgyad cu pa bzhengs/ sras sems dpa' chen po byung / rtogs pa rgyal tsha la rten nas 'khrungs/ sems dpa' chen po'i slob ma yang rtse ba rin chen sengge/ de'i slob ma bu ston rin po che/ rgyal tsha dang kun ldan gyis slob ma lce sgom dang / de'i slob ma ma cig re ma yin te/ khro phu dkar brgyud ces grags pa che'o/ /gshen rdo rje sengge ni/ sa skya pa chen po'i slob ma phag mo gru pa dang mched grogs/ phyis phag mo gru pa la gtugs nas rtogs pa shar ba yin/ 'dis dbang sdud byas nas phag gru dbang du bsdus/ de nas slar sa skyar byon/ dmar po skor gsum zhus te kho dbang du bsdus zer ba 'di dang / rga lo la snying rlung byung nas bod du byon pa sa chen gyis bsal zer ba gnyis ka sngon gyi yi ge khungs ma la mi snang / phyis bris par 'dug pas mi bden no/ /chos rje dmar pas khams su shwa dgon btab/ tshogs pa nyis stong tsam rgyun du 'dus/ de'i rjes su shwa yang dgon pa/ rmog spyan snga rin po che/ shwa dbu rtse pa/ rnal rin chen gling pa sogs mang du byon/ smar dkar brgyud du