[A:278a]grags so/ /bla ma zhang sum thog pa dang por mched grogs/ phyis zhabs kyi padma bsten pa'o/ /'bri gung 'jig rten mgon po ni/ yul ldan stong rtsod du zhes bya bar/ 'brug rgyal skyu ru'i gdung / rnying ma'i sngags 'chang zam ma chad pa'i brgyud par yab rdo rje zhes bya ba'i sras su 'khrungs/ dbus gtsang du byon 'gro mgon gyi zhabs drung du phebs nas zla ba sum cu rtsa gnyis bsten/ de'i tshe rten dge bsnyen na bza' ra thul zhig bzhes pas dge bsnyen ra thul can zhes grags la/ bla ma'ang mnyes/ khyod la sgom chen bzang po zhig 'ong / sgom chen tsam la bzang ba zhig 'ong zhes lung bstan/ 'gro mgon gshegs nas e chung phug par thugs dam la bzhugs pas glo bur du bsnyun mdze drag po zhig byung / rdza gseb tu bzhugs te ro sus kyang mi mthong ba zhig bya snyam nas byon par chas/ yi dam spyan ras gzigs kyi sku zhig yod pa la phyi phyag bgyis/ sku shed chung bas kha bub tu cung zhig lus pa na/ dang por rang gi sdug bsngal bsams/ de nas sems can thams cad kyi sdug bsngal bsams pas snying rje chen po bzod glags med pa zhig 'khrungs/ zhag gsum dro bzhir rgyun chags sa thams cad spyan chab kyis bangs/ klu gdon de 'khor dang bcas pa sku lus las thon song ba gzigs/ sgom ro gcig gi rtogs pa thugs la 'khrungs pas/ zhag gsum dro bzhi'i nang par na/ /mi kho bo'i las ngan rang sar dag /ces gsungs/ de ltar grub pa brnyes pa'i snyan pas 'ur bslang / gzhan ston mo byed pa'i gral dbu la spyan drangs pa'i tshe zhig thod pa bsam grub kyi sras mo nam mkha' rgyan gyis sku mdun du gcer brgyugs byas pas/ nga rten dge bsnyen du song bas brnyas pa yin/ cis kyang rab tu byung dgos 'dug dgongs nas dgung lo so lnga pa la phag mo grur zhang gsum thog pas mkhan po/ ci lung slob dpon/ gnyan pa 'dul 'dzin gyis gsang ston byas te tshigs rdzogs mdzad/ mtshan rin chen dpal/ gnyal pa 'dul 'dzin la mdo rtsa legs par bslabs/ 'gro mgon gshegs rjes su bla ma zhang gis gral gong du bzhugs/ bsngo ba tsam mdzad pa las lo bdun du gdan sa med/ de nas chos rje 'dis gdan sa mdzad de longs spyod chung zhing 'o brgyal bar byung / gsol ba btab pas mnal lam du 'gro mgon byon nas za 'og gi 'bol rnying pa zhig 'dug pa 'di kho rang tsho la gtod la/ khyod rang