[A:276a]dang mjal/ ngo sprod cig btab pas rtogs pa khyad par can 'khrungs/ skal ldan ye shes sengger grags/ des grwa rabs su zar dgon pa btab/ de'i slob ma g.ya' bzang chos rje yin/ gtsang zhal gyi dmar mor 'khrungs/ sgri nas mkhan po chos ston bya ba zhig la rab tu byung / mtshan chos smon lam du gsol/ de nas 'chad dkar du 'dul ba dang bka' gdams gsan/ de nas lo bco brgyad pa la rgya dur du byon bsnyen par rdzogs/ lo drug tu 'dul ba la sbyangs pa mdzad pas gnubs 'dul ba 'dzin par grags/ nyer brgyad pa la zar na skal ldan ye shes sengge bzhugs pa gsan nas der byon/ zhal mjal ba tsam gyis rtogs pa shar/ gdam ngag rdzogs/ so brgyad pa la g.ya' bzang btab/ drug cu rtsa lnga pa la gshegs/ 'phrin las shin tu che ba'i slob ma'i mchog sgom bzhir grags pa byung / gdan sa rin chen jo sras/ de'i rjes su rtogs ldan rgyal po dge mdzes 'od/ de'i rjes su mkhar chu pa chos bsam 'od kyis lo bco brgyad mdzad/ 'di grub thob u rgyan pa la rdo rje rnal 'byor mas lung bstan pa de yin/ de nas rim par brgyud de g.ya' bzang pa zhes grags so/ /mi nyag sgom rings ni/ 'gro mgon gyi drung na khrid zhu ba'i tshe nangs shig 'gro mgon gyis kho'i mdun du thag pa'i rgya zhig bres/ ral gri zhig zhog gsungs/ de nas kho'i pha gsod mi zhig yod pa khrid de 'gro mgon byon/ sgom rings zhe sdang skyes nas ral gri khyer brgyugs pas/ 'gro mgon gyis khyod rang gi sems la ltos shig gsungs nas de nyid du rtogs pa shar/ 'dis 'bri gung btab/ grwa pa brgya tsam 'dus/ skyob pa lung bstan te khong rang gshegs/ nyag re se bo 'gro mgon mjal nas grub pa thob/ khams su sles dgon btab 'phrin las bskyangs so/ /rin po che rgyal tsha dang / kun ldan gtsang pa ras chung gnyis mched/ gnubs nam mkha' snying po'i brgyud du 'khrungs/ rgyal tshas bla ma mang po bsten/ sbyangs pa mthar phyin/ lhag par dpal phag mo gru pa la brten nas phyag rgya chen po'i rtogs pa shar ba yin/ kun ldan ni phag mo grur gcen po'i brgyags skyel ba la byon/ rje btsun mi la'i rnam thar gsung pa dang thug de 'dra ba zhig ngas kyang bya snyam nas chos grwa der mgo lcogs lan gsum byas/ 'gro mgon la gdams pa zhus nas bsgoms pas rtogs pa shar grub pa brnyes/ mu ge byung ba'i tshe khro phu'i mchod khang gi sgo