[A:275a]ba'i mkhas grub de byon/ snyan pa che bas dbus gtsang gi che dgus btud/ 'bri stag gi chos lugs nyams la khad pa rnams gsos so/ /de dag kyang 'brel tshad don ldan byang chub sems dpa'i sprul pa kho na'o/ /spar phu ba ni/ g.yor ru grar 'khrungs/ gzhon nu nas thos bsam mdzad/ khyad par phywa pa yun ring du bsten/ khong gi grwa pa'i nang nas shes rab che bar grags/ a su las do ha gsan/ bla ma yel pa ye shes brtsegs kyi do ha skor rnams gsan pas/ 'di bshad pa rkyang du 'dug nga'i bla ma de dang mjal na nyams myong khyad par can yong nges bsam/ spar phu ba la 'gro mgon gyi spyan sngar byon pa 'thad zhus pas/ rang re las lhag pa cang yod dam gsungs/ cis kyang 'byon par zhu/ lhag pa'ang 'ong srid zhus pas byon/ 'gro mgon dang mjal/ gsung gleng mang du mdzad/ spar phu ba'i thugs la bla ma 'di sems tsam gyis lta ba 'dzin par 'dug snyam pa byung khrid btab pas/ 'di la nga rang zhib par 'dug snyam yon tan ma skyes/ tshogs chos gsan pas/ de la mgu bar gyur te log yang bla ma yel pas bla ma rin po che'i drung du mos gus can la yon tan 'char rgyu zhig yong gi 'dug pa la/ slob dpon pa la ma skyes bar snang bas da dung lan cig gshegs par zhu byas pas rung gsungs/ slob dpon dang 'grogs nas byon/ 'gro mgon gyi rten 'brel mdzad nas/ bu ram la padma'i par legs par btab nas drangs pas khong de la chags te ma gsol bar bzhag pa/ yel pa ba bzhengs nas bcag ste drangs/ 'gro mgon gyis/ pha rol tu phyin pa dang dbu ma la sogs pa rgyu mtshan nyid kyi chos/ thabs lam gyi bye brag dang phyag rgya chen po la sogs pa 'bras bu sngags kyi chos thams cad kyang sems rtogs pa'i thabs su gsungs pa kho na yin/ sems rtogs pa la sgom dgos sgoms shig gsungs pas/ ga re gdam ngag ci'ang ma bstan par sgoms shig gsungs bsam cung zad bsams tsa na gnas lugs kyi don mngon du gyur nas 'gro mgon la gsol 'debs 'dod 'jo'i ba mo mdzad/ spar bu dgon btab tshogs pa lnga brgya tsam 'dus so/ /mchan bu rgya ras ni/ chos skyong gis rjes su bzung bas grub pa brnyes/ skal ldan ye shes sengge ni mon gar du 'khrungs/ phag mo gru'i ri mthong pa rang gis sgom 'khrungs/ de nas 'gro mgon