[A:26a]bsdu ba'i gzhi nyams phyir/ /zhes smos pas kyang shes so/ /dri med 'od las/ sdud par byed pa po dag gis theg pa gsum glegs bam la bris te zhes pas bka' bsdu dang po'i dus nyid du gzhung yi ger bkod kyang / dus kyi dpe 'phyugs nas dang po'i gzhung la gtug rgyu ma byung bar mngon la/ gzhan dag yi ger ma btab la/ blo nas bton pa'i skyon yin/ gsum pa'i dus yi ger bkod ces grags so// // ! gnyis pa bstan pa'i gtad rabs ni/ ston pas 'od srung chen po la stan phyed bstabs/ rgyal tshab tu mnga' gsol/ de dang 'phags pa'i gnas brtan chen po bcu drug la'ang bstan pa gtad pa yin la/ 'od srung ni yul ma ga dha'i bram ze'i grong nya gro dha can na bram ze nya gro dha'i tog gi bus nya gro dha'i lha la gsol ba btab pa las skyes pas nya gro dha las skyes sam/ rigs las dras te 'od srung / ser skya bzang mo zhes bya ba gser gyi mdog can gyi bud med mdzes ma mchis brang du bkug kyang phan tshun phu nu bzhin las chags pa'i sems skad cig kyang ma skyes pa/ pha ma shi nas khyim grong pa dor dgu brgya go dgu gser bye ba drug cu/ gser gyi nas rdzang brgyad cu yod pa rtswa bzhin du dor nas ras ka shi yug zung thogs te/ ser skya bzang mo ni gcer bu pa dag gi drung du btang / rang nyid ston pa mngon par sangs rgyas nas ring por ma lon pa bu mang mchod rten gyi 'gram du bzhugs sar phyin/ mthong ma thag tu de la ston pa'i 'du shes skyes te/ bcom ldan 'das ni bdag gi ston pa lags so/ /bdag ni bcom ldan 'das kyi nyan thos lags so/ /zhes lan gsum du zhus shing / bcom ldan 'das kyis nga ni khyod kyi ston pa yin la/ khyod ni nga yi nyan thos yin no zhes lan 'debs pa mdzad pa gsum pa'i mthar bsnyen par rdzogs pa thob ste sbyangs pa'i yon tan la gnas pa'i mchog tu bsngags so/ /ston pa'i snam sbyar phyag dar khrod pa rang gis gzung / ras ka shi ka ston pa la phul lo/ /de yang ston pa lha nas babs khar lha mang po bdud rtsi'i phyir 'dzam bu gling du 'phos pa ston pa dang dgung mnyam tsam mo/ /'od srung gis bka' rnams legs par bsdus te bstan pa bskyangs la/ de'i yun yang snying rje pad dkar las/ ston pa 'das nas bstan pa sus 'dzin zhus pa'i lan du/ kun dga' bo dge slong 'od srung dang khyed gnyis lo bzhi bcu lhag tsam du nga'i dam pa'i chos 'dzin par 'gyur ro zhes gsungs pa gnyis ka bsdoms pa ma yin/ yin na nyi ma gung