[A:25a]pa ni dge 'dun phal che ba yin pas dge 'dun phal chen pa ste gyes dus dge 'dun mang bas so/ /mkhan po bram ze'i rigs sbyangs pa'i yon tan la gnas pa'i mchog 'od srung chen po/ skad tha mal pa/ snam phran nyer lnga nas bdun yan chad la rtags dung ngo / /skye bo mang pos bkur ba'i slob dpon gyi lugs ston pas mang bkur ba/ mkhan po dmangs rigs 'dul ba 'dzin pa nye bar 'khor/ skad zur chag pa a wa bhram sha snam phran nyer gcig nas lnga yan chad la rtags me tog so rtsi ka'o/ /gnas brtan 'phags pa'i rigs yin par smra bas gnas brtan pa/ mkhan po rje rigs mtha' khob 'dul ba'i mchog ka tya ya na/ skad 'bring du 'don pa/ snam phran dang rtags mang pos bkur ba dang mthun par grags so/ /de ltar bco brgyad po lta ba'i khyad par che bas/ lta ba'i bye brag 'ba' zhig gis/ /rgyu yis 'di dag tha dad byas/ /ston pa tha dad yod ma yin/ /zhes so/ /dul lhas/ shar dang nub dang gangs ri dang / /'jig rten 'das par smra ba dang / /rtag par smra ba'i sde pa rnams/ /lnga tshan dge 'dun phal chen pa/ /gzhi kun pa dang 'od srung sde/ /mang thos gos dmar slob ma dang / /rnam par phye ste smra ba'i sde/ /thams cad yod par smra ba yin/ /rgyal byed tshal gnas 'jigs med gnas/ /gtsug lag khang chen gnas brtan pa/ /sa sgrog ri dang srung ba pa/ /gnas ma bu yi sde rnams ni/ /kun gyis bkur ba rnam pa gsum/ /yul don slob dpon bye brag gis/ /tha dad rnam pa bco brgyad gyur/ /lo dri mkhan pos/ phal chen la drug yod smra la bzhi/ mang bkur la lnga/ gnas brtan la gsum du 'dod do/ /de nas rnam gzhag gzhan gyi bka' bsdu gsum pa bshad pa ni rnam par 'khyams pa'o/ /bsdu ba gsum pa 'di'ang phran tshegs las/ ston pa 'das nas lo bzhi brgya na rgyal po kaniShka 'byung bar lung bstan pas rgyal po de'i srid skyong ba'i ring la yin pas/ ston pa 'das nas lo lnga brgya tsam la'o/ /de'i phyir bskal bzang las/ dam pa'i chos ni lo lnga brgyar gnas pa dang / chos ltar snang ba ni lo lnga brgyar te/ stong gnas par bshad pa'ang 'di la dgongs te/ lnga brgya de srid bstan pa tha dad du ma gyur/ de nas tshul mang por bshad pas som nyir gyur thams cad kyi dgos nus mtshungs pa tsam gyis bkar bsgrubs pa ste/ don nyan thos kyi sde snod kho na dbyig gnyen gyi dus/ yang dag