[A:268a]thog tu bzhag ste/ rgyal ba rgya mtsho'i dbang yin gsungs bskur/ grub thob pas kyang zhal gyis bzhes/ sku gsum ngo sprod cig gsan/ der zhag gsum las ma bzhugs/ phyis mjal ba med do/ /de nas karma pa ring por ma lon par gshegs so/ /de'ang dbon brgyud kyis bstan pa zin pa med nas sprul pa'i sku rim par byon pa 'di byung ba yin zhes grag go /de'i sprul pa'i sku rang byung rdo rje ni/ 'khrungs yul mi la'i yul rtsa phu'i gangs zhur mo'i 'gram du zhi byed pa zhig gi sras su 'khrungs/ lo lnga lon pa na grub chen u rgyan pa mjal/ grub chen pa'i gsung nas sang nga'i bla ma karma pa 'byon pa yod gsungs nas stan mthon po bshams/ der grub chen pa'i drung du phyin pa na stan de la 'dzem pa med par 'dzegs te bzhugs/ grub chen pas byis pa khyod nga'i bla ma'i gdan la sdod pa ci yin gsungs pas/ bla ma de nga yin te/ da khyod la re dgos par 'dug zer nas zhol gyis babs/ u rgyan pa la phyag mdzad/ der dbu skra bcad rang byung rdo rjer gsol/ dge bsnyen/ byang chub mchog tu sems bskyed pa/ dbang man ngag rim par gnang / dgung lo bdun pa la kun ldan shes rab la dge tshul bsgrubs/ de nas 'tshur phur pag shi'i slob ma gnyan ras la chos gsan/ gzhan gnam mtsho ba/ gsang phu gling smad pa shAkya gzhon nu/ snye mdo pa kun dga' don grub sogs bsten/ mdo sngags kun la mkhas par sbyangs/ dgung lo bco brgyad pa la mkhan po gzhon nu byang chub dang / slob dpon dge 'dun rin chen pas byas te bsnyen par rdzogs/ hor rgyal po'i spyan 'dren byung nas thegs/ snga ma la phyir phebs/ phyi ma rgya yul rang du gshegs/ chos rje nyid zla ba'i dkyil 'khor nang du bzhugs pa bstan pas rgyal po 'khor bcas shin tu dad/ de nas zhwa nag po can dang / rtogs ldan grags pa sengge la zhwa dmar po gnang bas zhwa dmar ba byung / de'i sprul sku mkha' spyod dbang po/ de nas zhwa dmar nag gi sprul pa'i sku gnyis su gyes te/ dang po ni ma byon pa'i sangs rgyas sengge/ slob dpon padmas rgyal ba mchog dbyangs yin pa dang / lhag par sprul pa'i na rim bcu gcig mtshan gsol te lung bstan/ de dag las rol pa'i rdo rje/ hor rgyal po the mur gan dang / de'i sprul pa'i sku gong ma ye dbang gis spyan drangs te rgya yul du phebs dus/ rgya'i yul 'od kyis khengs pa dang / gzims khang la 'ja'i ka ba zug pa