[A:267a]sbom brag tu dgon pa btab/ smar khams su gshegs/ de'i slob ma rin po che karma pa ste/ 'bri lung dam pa chos phyug tu rtsad po u'i rigs/ yab rgya dbang tshur tsha srang dar gyi sras su 'khrungs/ mtshan chos 'dzin du btags/ lo dgu dang bcu pa la gsung rab mang po klog pa tsam gyis thugs su chud/ sems nyid gshis 'gyur ba med par rang bzhin du gnas/ ngo cung zad ma mkhyen pa rin po che spom brag pas ngo sprad/ de nas gdam ngag gnang ba'i dbu tshugs/ de nas ka thog pa byams 'bum dang / lcang mang phu pa la bsnyen par rdzogs/ mtshan chos kyi bla mar gsol/ lo bcu bar med par nyams len bskyangs pas mthar phyin/ khams su grwa pa lnga brgya tsam 'dus/ ljang yul gyi bar du drag po'i las kyi nus pa bstan nas lam rgya btsugs/ 'tshur phur lo drug bzhugs gangs dkar ma dang thang lha sogs lha chen thams cad bran du bkol/ snyan pa'i grags pa thon/ hor rgyal pos gser yig pa btang nas gdan 'dren du byung / rgya yul du byon/ lam du sems can mang po'i don mdzad/ rgya yul du chu la bskyur ba sogs mang po byung ba rnams zil gyis mnan/ karma pa'i snyan pa je che la song / khyad par mkhar zhig tu bcug khro chus sgo bsdams nas gsol zas med par bzhag kyang nyam nga ba med pa'i cho 'phrul bstan pas/ go po las kyang zhabs la gtugs/ bod yul la sogs gar bde bar chos spyod cing nged la smon lam bzang po thob zer nas 'ja' sa bzang po bsgrags/ cong to mkhar nas 'tshur phu'i bar phebs lam la lo brgyad song / mtshur phur phebs nas lha chen gyis thog drangs rten gsum mang du bzhengs/ 'di'i dbon brgyud kyis bstan pa 'dzin pa zhig 'ong rgyu dngos de snye mo gya pa'i ru ba dang thug pa'i 'thab gral du gshegs/ des grub chen rang mi gshegs gong du grub thob u rgyan pa rgya nag tu 'byon pa'i lam dbus brgyud rtsis la/ pag shis chos skyong rnams la u rgyan pa 'dir gdan drongs gsung / u rgyan pas kyang mkhyen nas 'tshur phur phyogs byon/ der karma pa'i gsung nas/ gya ba byang pas gyu ba byas/ /zhwa nag po can gyi brgyud pa bcad/ /'on kyang nyi ma la stod kyi phyogs nas zhwa nag po'i brgyud pa 'dzin pa zhig 'ong / de'i bar du nged kyi rgyal tshab khyod kyis byed dgos gsung / zhwa nag gser mdongs dbu nas phud de grub thob pa la bskyon/ lde mig ka to ra gang dbu