[A:265a]btab/ gzhan phan rlabs chen gyi spyod pa 'khrug pa mang po mdzad/ gnas bdun du sku 'gyur ba bdun bstan nas mtshan bdun thogs te/ skal ldan rnams byang chub kyi myur lam la bkod/ chos skyong bya rog ma ci bsgo bsgrub pa yin zhes grags/ sku 'bum bzhengs/ dgung lo don gcig bzhes pa la gshegs/ de'i dngos kyi gdan sa mnyam med shAkya'i ye shes kyis mdzad/ gzhan nam mkha' 'od/ nyi ma 'od/ 'dul ba 'od/ shAkya 'od bzhi slob ma'i mchog tu grags pa'i nam mkha' 'od kyis lha ri kha dang / kong po'i lha ri gyang tho/ 'brog yang steng / nyi ma 'od kyis phyug kha/ 'dul ba 'od kyis kha rag tu klu btul dgon pa btab/ de'i dbon po'i ring la ban khri tsam tshogs zer/ shAkya 'od kyis byang du dgon pa btab bo/ /gzhan mar pa 'od la sogs pa bstan pa la bya ba byed pa'i skyes bu rim par byon pas tshal pa dkar brgyud ces lugs kyis 'od khyab par byung ngo / /khams pa mi gsum gyi gsal stong shwa re pa la 'phrin las cher ma byung zhes grags la/ dbu se ni/ mdo khams tre shod gangs kyi ra bar/ yab rdo rje mgon gyi sras su 'khrungs yab la grub skor phran dang / rgya gar gyi bla ma bai ro tsa na mjal/ bcu drug bzhes tshe tre bo mchog gi bla ma la rab tu byung / mtshan chos kyi grags par gsol/ jo bo'i slob ma yol chos dbang byon pa mjal/ bcu dgu pa la dbus su byon/ nyi shu pa la stod lung rgya dmar ba dang / de'i slob ma phywa ba chos kyi sengge la mtshan nyid/ sha ra ba dpon slob lo drug bsten bka' gdams/ pa tshab la dbu ma/ mal 'dul 'dzin gyi mkhan po byas/ ye shes blo gros kyis slob dpon/ mal gyi gcung pos gsang ston byas te bsnyen par rdzogs 'dul ba nyan/ rga lo tsA ba dang a seng gnyis rgyal na bzhugs pa la sbyor drug dang mgon po bya rog ma gsan/ sum cu pa la sgam por byon/ chos rje khu dbon mjal/ thog mar lam rim bskyangs/ de nas dbang zhus thabs lam gyi gdam ngag gnang nas bsgoms pas/ sgom chen brgyad brgya'i nang nas sgom sran che bar grags/ ting nge 'dzin gyi yon tan dpag tu med pa/ lo rer ras chung pa mjal chos drug dang thun 'jog sogs 'ga' re gsan/ gzhan sden phug pa/ mes tshon po'i slob ma rkyang mo spang kha ba/ gshen rdo rje sengge/