[A:264a]slob dpon la zhus pas gsol ba drag tu thob/ nged kyi 'di byin rlabs la brten pa yin/ de rang phyag rgya chen por bya dgos gsungs nas gdam ngag zhig gnang ste bsgoms pas/ sems ma bcos pa nam mkha' lta bu'i ngang nas shes rab kyi me mched kyin 'dug de tsug yin snyam rong rong byung zhus pas/ brtag dpyad ma mdzad brtags dpyad kyis sgrib pa yin gsung / yang bsgoms pas sngar bzhin shes rab rong rong byung ba de brtag dpyad du 'dug pas de'i rjes su ma 'brangs par glod kyin bzhag pas rtogs pa lhag gis shar/ sngar gyi rtogs pa thams cad dang mi 'dra ba zhig gting nas byung / de zhus pas/ 'o de tsug 'ong yu bu la dkar brgyud kyi byin rlabs de tsug yong ba yin/ da 'ur gyis song ba yin gsung / nga rang yid ches pas mos gus kyang sngar dang mi 'dra ba zhig byung / de nas sngar rlung rtsol byed byed pa de goms pa'i shugs kyis sems ma bcos par 'jog pa 'di la rlung rtsol ma byas na ma bde ba byung nas zhus pas/ de legs kyi gsung rlung skye med kyi gdams pa gnang / de yer pa pa'i rlung 'od gsal du gzhug pa'i thog tu sing gis song nas rlung dang phyag rgya chen po gcig tu 'dres/ de nas zla ba phyed lon tsa na rtogs pa ni ma 'gyur/ sngar gyi rtogs pa dang 'dra ba'i nyams myong rnams mi 'dug nas/ lam rtogs pa'ang 'grib pa 'am snyam pa byung nas zhus pas/ rtogs pa shing 'dra/ nyams myong spre'u 'dra ba yin pas cang mi lto yi gsung / thabs lam ma bcun pa'i phyag rgya chen po bskyang ba de rtogs pa mtho mtho byas kyang nyams myong gi rtsal med par sa gcig pur rdugs nas sdod par 'dug nas/ 'brong bu lkug par gcig pur bzhugs te thabs lam skye med bsgoms te nyams myong 'ur gyis 'phel/ rtogs pa dang nyams myong 'dres/ de nas bla ma 'ol dga' ba dang mjal nas byang chub sems la bogs thon/ de dus longs spyod de tsam med/ rgod ma dkar mo zhig yod pa nye gnas la bskyon te gtsug lag khang gi sa dros gsungs pas/ kho'i yid la ci'ang med par 'di tsam pa'i blo rgya byed pa bsam nas mas 'khor tshad cig bskor te mtho btab pas rten 'brel 'grig gung thang gtsug lag khang dbu rtse glo 'bur khyams ra lha chen dpal 'bar la sogs pa'i rten gsum bzhengs/ de nas tshal