[A:260a]gnas su mkhyen/ thog mar zangs lung du gdan phab 'jag spyil bzos/ chu'i bcud len mdzad dgongs nas len du btang tsa na/ ras sgom ras pa na re/ chu ga na'ang mi 'dug zer/ kha rtsang brag rtsar bting bzhag pa'i stan de sol dang gsungs/ bltas pas chu khog ma'i kha tsam zhig rdol nas 'dug 'di la gting ji tsam yod snyam lag pa brkyang bas gting mi 'dug der lo bcu gnyis su 'dag sbyar mdzad de bzhugs dgos dgongs tsa na/ bud med lus la thal ba byugs pa lag na rma bya'i sgro bzung ba zhig na re/ bcu gnyis 'dag sbyar byas pa bas/ /bcu gnyis bstan pa spel na dga'/ /zer/ de nas zhag 'ga' lon tsa na gtsang gi klog skya ston pa byung / de nas rgyal ba khyung tshang pa/ dge bshes gnyan nag gnyags dmar po rnams rim par byung / de rnams kyi khrid tshar ba na dbus gtsang khams gsum gyi snod dang ldan pa'i mi rnams dus gcig la 'dus pa lta bur tshogs/ gdam ngag btab pas ring por ma lon par nyams myong khyad par can rtsa rlung gi yon tan mngon par shes pa drug ka dus gcig shar ba dpag tu med pa byung / de thams cad kyang ma dag pa'i dngos po mi 'chang zhing / sbyangs pa'i yon tan la gnas pa sha stag ste/ ting nge 'dzin rgyal po'i mdo las/ skyes bu dam pa mya ngan yongs 'das nas/ /ma rungs dus na bdag gis mdo 'di gzung / /nas/ de yi tshe na ting 'dzin 'dzin pa dag /lnga brgya las ni mi nyung der 'byung ste/ /mdo sde mchog 'di rgya cher bzung ba la/ /de dag sngon du 'dren pa gzhon nu yin/ /zhes gsungs pa'i byang chub sems dpa' sangs rgyas la ma 'ongs pa'i dus mdo sde zab mo 'dzin pa la smon lam btab pa de rnams so/ /mdo ting nge 'dzin rgyal pos brjod bya logs pa zhig bstan pa lta bur po to ba gsung zer te/ mdo 'dir sgyu ma lta bu/ dpa' bar 'gro ba/ rdo rje lta bu'i ting nge 'dzin zhib mor bstan pas/ rdo rje theg pa'i phyag rgya chen po dang mdor rgyas tsam du zad do/ /sku'i bkod pa du mar ston pa zad pas chu me dang nam mkha'/ gshegs bzhud nam mkha' la mdzad pa/ phug pa cher ma song / sku sgam po'i ri dang mnyam pa phug tu bzhugs pa/ ye shes sems dpa' dngos su rten la bstim pa sogs rdzu 'phrul ni mo'o 'gal gyi bu