[A:259a]la g.yengs/ des sngar gyi sa mA dhi stong / thugs ma bde nas da nga la sgom gyi skal ba med pa yin nam/ de na bka' gdams kyi bla ma rnams kyi sar 'gro dgos snyam pa la/ yang thugs dgongs btang bas/ nga'i bla ma rje btsun de sangs rgyas yin/ khong gi zhal nas/ phyag rgya chen po sgom dus su/ /lus ngag dge sbyor ma brtson zhig /mi rtog ye shes yal nyen yod/ /gsung ba de 'di yin 'dug da ni dmyal bar song rung bla ma de rang la bltos pa 'cha' ba yin/ kho rang mkhyen snyam pa'i blo bcos ma ma yin pa zhig skyes nas/ blo khel nges su bkal nas gsol ba btab pas/ dar cig na rje btsun mdun du yer gyis byon pa'i snang ba shar/ de nas lo drug gnyal se ba lung du bsgoms pas drod dang ting nge 'dzin yang klong du tshud/ phyag rgya chen po'i gnas lugs bcos min du gzigs nas/ rang rig ye shes 'od gsal 'di/ /yod med mtha' las 'das pa zhig /sogs kyi mgur gsungs nas/ bo dhi tsitta'i 'phreng ba rdog po nyi shu rtsa gcig yod pa phyag gis glang ma'i sdong po de la bsdams te/ dus gsum sangs rgyas thams cad kyis nga lung bstan na/ shing 'di las shing khyod skye bar gyur cig gal te ma bstan na mi skye bar gyur cig gsungs pas/ mod de la yal ga dang yal ga khri'u/ 'dab ma dang bcas pa sngo khrung nge skyes pas/ de phan de'i 'khris na gnas gzhi yod pa'i bka' gdams pa'i btsun pa rnams kyis bya cha chos spyod mi nus pa zer sdig gsog gi yod pa'i 'phro chad/ dad dad mos mos su gyur/ de dus sho sgom byang yes bya ba'i bshes gnyen de phyag phyir 'brangs/ der thugs so ma gsod nas bros te 'ol 'gar byon/ de'i ri khrod du lo bdun bzhugs/ phyag rgya chen po'i rtogs pa sgom med du na 'phos/ der yang zang zing gi 'du long che nas gzhan zhig tu gshegs dgongs/ dbyar 'o de gung rgyal gyi gangs la bzhugs pa'i tho rangs shig btsad po'i gzugs dar gyi thod chen po bcings pa/ mgul du g.yu chen po btags pa zhig byung nas/ 'dir bzhugs na yon bdag ni ngas byed pa yin te da mi bzhugs na nga'i bu dwags lha sgam po can du bzhud cig khos khyod kyi zhabs tog byed par 'gyur ro zer/ de nas dwags lha sgam por phebs/ bla mas lung bstan pa'i