[A:24a]nas yangs pa can gyi dge slong rnams bsdus te rgan rim du yangs pa can gyi dge slong zhes ming phyung ste/ gzhi bcu rgyas par brjod de/ thams cad kyis de bdag cag gis dor bar bya'o zhes brjod pas bdun brgyas yang dag par brjod pa zhes grags so/ /'di la bka' bsdu gnyis par grags kyang 'dul ba'i bslab pa 'ga' zhig log par spyad pa bsal ba tsam mo/ /rgyal po dharmA a sho ka shi ba dang / dgra bcom pa rnams kyis tha mal pa dang / zur chag pa dang / bar mar 'don pa'i tshig la mngon par zhen pa 'dul ba'i dbang gis phyir rim gyis gzhung gzhan dang gzhan du sbyar te/ rgya chen po'i skad du sbyar ba'i mdo sde la sogs pa lta bu ste/ bstan pa bco brgyad kyi bar du gyur pa yin no/ /gyes pa bco brgyad bka' yin min la rtsod pas lo drug cu rtsa gsum du dge 'dun phye zhing 'khrugs long du gyur pa bsal ba'i phyir rgyal po ka niShkas sbyin bdag byas/ pu Ni ka la sogs pa dgra bcom pa lnga brgya/ ba su mi tra la sogs pa byang chub sems dpa' lnga brgya/ so so skye bo'i paNDYi ta khri drug stong 'dus nas/ gyes pa bco brgyad kyi gzhung bka' yin te/ tshul khrims ston pas 'dul ba la snang / lhag pa'i sems ston pas mdo sde la 'jug myang 'das dang mthun zhing lhag pa'i shes rab ston pas chos nyid dang mi 'gal ba'i phyir dang / chos thams cad bdag med pa la sogs pa'i phyag rgya gsum gyis btab pa'i phyir dang / sangs rgyas kyi gzhung la don gtso ba'i phyir dang / dgra bcom pa rnams kyis rnam par dbye ba mdzad pa'i phyir/ de dag kyang sangs rgyas kyi byin rlabs las byung ba'i phyir dang / rgyal po kri kri'i rmi lam bshad pa'i mdo las/ rgyal po chen po khyod kyi rmi lam du mi bco brgyad kyis ras yug 'dren pa mthong ba de ni/ shAkya thub pa'i bstan pa rnam pa bco brgyad du gyes par 'gyur la/ de'i rnam par grol ba'i ras ni gyes par mi 'gyur ba'o/ /zhes gsungs pas bkar bsgrubs so/ /de'ang phung skye khams gsum mam dus gsum thams cad rdzas su yod par smra bas thams cad yod par smra ba/ saM skri ta'i skad kyis brjod cing sde pa gzhan gyi chos lugs 'byung ba'i gzhi yin pas gzhi thams cad yod par smra ba'o/ /mkhan po rgyal rigs bslab pa la gus pa'i mchog sgra gcan 'dzin bzang po snam sbyar nyer lnga pa nas dgu pa yan chad la rtags utpal dang / rin po che dang / shing lo 'byung ngo / /dge 'dun phal chen