[A:256a]pa'i snyan rgyud cig byung ba la ngom rdzong snyan rgyud du grags/ de mya ngan las 'das nas spur bzhugs sindhu ra bre gang min pa spur rus kyi rigs ma byung zer ro// gzhan zhi ba 'od kyis brag rgya shar du bsgrub pa mdzad/ brag ri zang thal nas mkha' spyod du byon/ khyi ra ras pa mkha' spyod 'grub/ srid gsum lus ma spangs par mkha' spyod du song / lcam lhan cig skyes pa'i sgron ma ni rje btsun bzhugs rin drung nyid na bzhugs dpe gnyer mdzad/ gshegs gshegs tshun bzhugs/ de nas 'dir byon/ 'dir bzhugs/ 'dir gshegs med/ rje zla 'od gzhon nu'i zhal nas/ de ni kho bo la thugs rtsigs che/ gdam ngag 'di lta bu zhus shig gsungs khungs ston/ don la chos bdag mkha' 'gro yin/ dpe khyer nas u rgyan du log pa'o gsung ngo / /rje btsun gyi sras nyi ma lta bu ni chos kyi rgyal po dwags po lha rje/ mar pas/ rgod de la bu gcig byung ba de/ /'gran gyi do med zhig 'ong ba yin/ /zhes gsungs pa de'o/ /de 'ang sngon gyi sems dpa' me tog zla mdzes/ thub pa'i spyan sngar zla 'od gzhon nur gyur pa/ snying rje padma dkar po'i mdo las/ kun dga' bo nga 'das nas ma 'ongs pa'i dus na byang phyogs kyi rgyud du dge slong 'tsho byed ces bya ba sngon gyi rgyal ba la lhag par bya ba byas pa/ sangs rgyas brgya stong mang po la bsnyen bkur byas pa/ dge ba'i rtsa ba bskyed pa/ lhag pa'i bsam pa bskyed pa/ theg pa chen po la yang dag par zhugs pa/ skye bo mang po la phan pa dang bde ba'i phyir zhugs pa/ mang du thos pa/ byang chub sems dpa'i sde snod 'dzin pa/ theg pa chen po'i bsngags pa brjod pa/ theg pa chen po yang dag par ston pa zhig 'byung bar 'gyur te/ zhes lung bstan pa'i skyes bu de 'khrungs pa'i yul ni/ gnyal bud nyi'i bye brag ser lung / de nyid kyi yab mes kyis brtsigs pa'i gnas gzhi ser kha yod pa de yin/ gdung rus snyi ba/ yab snyi ba rgyal po dang yum dal bza' gnyis la sras gsum 'khrungs pa/ bar ma zhang dar ma grags/ dgung lo sum cu rtsa gnyis kyi bar du rten khyim pa/ sman gyi 'gro don kho na mdzad/ de'ang rgya gar gyi mkhas pa skye med sogs rgya dkar nag bal po/ lhag par bod kyi sman pa pi dzi la thug spyir sman gyi slob dpon sum cu bsten/ bstan bcos yan lag brgyad pa la mkhas pa dpe med pa/ slob ma'ang zhang