[A:255a]lan gnyis mjal/ de nas bsgrubs pas spangs rtogs kyi yon tan bsam gyis mi khyab/ de'i slob ma dge sdings pa/ shangs pa mar ston/ rta sgom gsum la zhang los gtugs/ gzhung ma byung nas thugs the tshom pa na/ dge sdings pa nas ma cig ong jo bla ma'i gsang yum yin/ khong la yod srid der song gsungs/ lan gnyis byon pas yod pa'i sgros kyang mi gsungs/ phyis kha che paN chen la bsnyen par rdzogs/ mtshan grub pa dpal bzang po/ 'dul spyod legs par bslabs/ kho thag ma chod par ma cig gi drung du byon pas/ da res dgyes bzhin du gnang bas thugs tshim/ de nas kyang thos pas mi ngoms nyid dang ni zhes pa'i skabs bal por paN chen ratna rakShi ta la sgra tshad bslabs/ rgyud 'grel pa dang bcas pa nyis brgya tsam/ dbang yongs su rdzogs pa brgyad cu rtsa bzhi gsan/ lar chos zhus pa'i bla ma bdun cu yod/ 'gyur yang mang bar mdzad/ chos rje sa paN dang phyag bris gtong res mdzad pa na'ang chos rje pas bkur sti che bar 'dug go /des sba'i sngags 'chang dha ra shrI rnying ma ba/ des khong rang gi sras chos rje bsod nams rgyal mtshan/ des khong rang gi sras mo ye shes kun ldan/ phyis kun ldan ras mar grags pa/ de la kun spangs pa bde legs rin chen pas gsan/ de la mkhas btsun gzi brjid pas zhu/ khong gis zhu dus ma cig kun ldan rang bzhugs pa gsan nas la phyir byon/ mjal nas yongs rdzogs gsan/ mkhas btsun pa nas/ ding sang sha ra rab 'byams pa/ gtsang smyon he ru kas rtsal du bton pa las mched pa dang / gtsang chen chos kyi dbang phyug nas mched pa gnyis su gyes/ bde legs pas gnas rnying mkhan po gangs can kun dga' dpal la/ des 'brug pa rgyal dbang chos rje la gdams te/ mya ngan las 'da' kha'i zhal chems la ras chung snyan rgyud kyi dpe 'di ra lung du chos rje kun dga' dpal 'byor la phul gsung / kun spangs dpon slob gnyis ka stod 'brug tu zhal gyis bzhes pa zhig rgyal ba'i dbang pos dpal 'brug pa rin po che ngag dbang chos kyi rgyal po/ de las kho bos thob bo/ /ngom rdzong ston pa ni/ gcen lung pa/ sngags rnying ma lugs kyi ston pa/ rje btsun gyi bka'i bsdu ba po/ mar pa mgo yags kyis kyang gdam ngag bum pa gang byo lon pa 'di las rtsa ba med