[A:257a]nag dang grum pa lha rje sogs mang du thon pa/ gso spyad mdzad pa'i dus na'ang dge ba'i bshes gnyen sha ra ba sogs bsten/ thos pa legs par mdzad pa zhig ste/ so gnyis pa'i dus jo mo dang sras kun grongs nas dwags por byon/ dbrongs ka bya ba'i gnas gzhir mang yul ba blo ldan shes rab kyis mkhan po byas/ zhang zhung pa shes rab snying po bya bas las slob byas/ khong mtshan nyid pa yin/ yid bde ba byang chub sems dpa' bya ba bla ma mi la'i yang slob ma yin pa zhig gis gsang ston byas te tshigs rdzogs su bsnyen par rdzogs/ der mkhan slob gnyis las 'dul ba legs par bslabs/ mkhan po las zangs dkar lugs kyi bde mchog gi skor bslabs/ bcas pa la srog las gces pa bzung bas gar byon yang btsun pa'i dper 'dren/ byang chub sems dpas gdam ngag cig btab byung bas zhag bdun bdun tsam ting nge 'dzin la 'byams 'gro ba byung / ci tsam thub bltas pas zhag bcu gsum tsam thub/ de nas ngas rab tu byung nas de'i bya ba gnyis la ma 'bad na mi 'ong dgongs te dbur stod du byon/ der dge bshes smyug rum pa'i spyan sngar bzhugs nas lam rim zla ba dgu bskyangs/ thugs la 'khrungs/ de'i dus na dge bshes rgya yon bdag de smyug rum pa dang gnyis blo mthun mdzad nas gra pa rnams khong la zhu 'jug khong rang dben pa mdzad nas sgrub pa mdzad kyin 'dug pa la thugs shin tu dad nas mjal bar 'dod de/ bskor ba byas gsol ba nyi tshe btab pas/ dus lan gcig khong gis mkhyen nas nang du bkug de nas mar lam rim chung du bskyangs/ thugs la btags/ lo gsum bsten/ thugs kyi dgongs pa longs/ dge bshes rgya yon bdag de dbu ru stod kyi bka' gdams pa zhig la thugs tshod ma thob yin/ de ltar bsnyen par rdzogs nas dwags dang dbu ru'i bar la lo skor tsam zhig sbyangs pa mdzad/ skyes bu gsum gyi lam gyi rim pa ma nor ba thugs su chud/ des gzhan gyi 'dren pa mdzad pa la mtshungs pa med pa sengge'i sgra bsgrags pa yin no/ /de nas nam zla dpyid dus shig mtshams thon nas lcags ri'i lho phyogs su skyo sangs la byon pas/ sprang po gsum gyi gcig na re/ 'o skol gsum 'dra ba'i bsod nams chung ba yong ba/ tshol ma dgos par zan chen po dang / lo ma'i tshod ma phor pa re btung rgyu yod na zer/ gcig na re yid smon byed na de 'dras gar phyin/ mnga'