[A:254a]pa nye'u mkhar pa/ yab sum pa dbang phyug yum rma mo khyi khar gyi sras su 'khrungs/ khyim thab byed 'jug rtsis la bros nas myang stod stag tshal du stod lung rgya dmar ba dpon slob phebs pa'i sar byon/ mdo'i sbyangs pa dang / rngog jo sras mdo sde la dgyes rdor rgyud bslabs/ rje ras chung pa'i snyan pa la gtad de byon/ phyag g.yas pa'i srin lag mar mer phul/ lo nyi shu rtsa gcig gzims g.yog mdzad/ khong med par su la'ang chos mi gnang zhes zer grags/ bsre 'pho gnad kyi mtshams sbyor rang yang tshar drug cu rtsa bzhi gsan/ chu bo ganggA tshun la gdam ngag che bar grags/ ting nge 'dzin grub pas mngon shes rdzu 'phrul la thogs pa med do/ /byes 'gol ba ni/ mkha' 'gro btsun chung ma ming sring gnyis yod pa'i ming po/ mtshan ston pa yang dag dpal zer/ rje btsun gyi spyan sngar chos sgor zhugs/ mtshan chos kyi grags par btags/ gdam ngag dang nus pas grub thob kyi grags pa thon/ 'di gsum la sku mched gsum zer/ de dag gi sras kyi thu bo grub thob gling yin/ gzhan ri thub mang du byung / byar por shes snang ba ni/ nye gnas rin chen grags rang yin/ 'phrin las kyang legs par byung ngo / /khyung tshang pa/ 'khrungs yul stod lung / bya 'dul las rab tu byung / rgya dmar ba las bsnyen par rdzogs/ pa tshab las dbu ma gsan pas bsten long ma byung bar dar yon tan grags las bzed pa/ dbang rdor las spyod 'jug rgya dmar ba las tshad ma dang rang rgyud/ se las phar phyin mtshan brjod/ phug pa ba las ra li/ jo bsod las bde mchog dang kri ya/ lho pa las kha rag skor/ rwa lo las dus 'jigs dgra nag 'char pa las bka' gdams/ 'khon phu ba lcam sring las lam 'bras/ rgya las rim lnga/ rngog las dgyes rdor bslabs/ yang dag pa'i gdam ngag la blo ma rdzogs/ 'bri sgom gling kha pa'i rtsar byon/ khong gis dbus pa glen/ slob dpon ras chung pa 'dra ba dbus su bzhugs pa la mi zhu ba 'di nas yar 'ong ba gsungs/ bden dgongs ras chung pa'i drung du snga 'gros btang / byon pas/ nga'i rmi lam du zla ba rang gcig nas nyi ma 'od dang ldan par 'ong bar yod zer/ zla ba de khyod kyis bsngags pa'i slob ma kho yin/ nyi ma khyod rang du 'dug zhag bcu dgu la snyan rgyud rdzogs par gnang / phyis