[A:253a]bzhud/ /dang / dge bshes 'ga' la phan thogs par 'gyur/ sham po'i gangs/ byar po'i nags/ dgon pa rdo bod mtshams su thob/ /de na gdul bya snod ldan yod/ /yos bu'i lo rta zla ba'i tshes bcu bzhi tshun la 'dir slebs pa gyis gsung ba bzhin/ rdze btsun gyis kyang lam du skal ldan mang po rjes su bzung ste/ bla ma'i bkas ro snyoms da lta ston pa'i dus min pas bod yul gyi brag mkha' 'gro ma dang lha 'dre thams cad 'du ba zhig yod pa der sbos/ mi rabs gsum nas chos 'di'i bdag po 'ong / de la gtod cig gyis gsung pa bzhin lho brag mkhar chur byon/ ro snyoms dang sangs rgyas thos chog gter du sbas/ sham por phebs/ der mkha' 'gro ma btsun chung du grags pa des sleb/ blon la spyan drangs/ grub pa'i rgyal mos tshe dpag tu med pa sgrub pa'i gnas su lung bstan/ tshul nges pa med par de'i sprul pa'i bud med re rje btsun gyi bstan pa nam gnas tshun 'ong gsung / de nas byar po nags su phebs/ 'di yan du rje btsun gyis mos pas spyod pa'i sa pa kho na'i tshul bzung / 'dir chos nyid kyi bden pa gzigs te yun ring por ma lon par sa bcu pa'i dbang phyug tu gyur pas/ rje btsun gyis nga'i bu bdud kyis khyer/ bdud sus khyer/ mi la'i bdud kyis khyer ro gsungs de nas gnyal lo ro rang du bzhugs te 'phrin las yun ring du bskyangs nas mthar tshe gong gi phug pa/ grub rgyal ma dang mi la gnyis kas lcang lo can dang khyad par med par lung bstan pa'i gnas de nyid nas sku lus ma spangs par mkha' spyod du byon pa yin la/ da lta'ang lcang lo can na btsun mo lnga brgya'i dbus su rdo rje 'chang ye shes kyi skur bzhugs pa yin no/ /de ltar spyan 'dren pa'i mkha' 'gro btsun chung ma tshogs kyi dbus nas mkha' spyod du byon/ slob ma lo gtsang ra dang byes 'gol ba bzhi la lho'i bu bzhi/ khyung tshang pa/ 'brog sgom/ bur sgom/ rta shod ras pa la byang gi bu chen bzhi/ gzhan la stod pa gnyan chos skyabs sogs tshad med pa thon/ rje zla 'od gzhon nu/ sne'u zur pa/ bya yul pa sogs dge ba'i bshes gnyen du mas kyang gtsug gi nor bur bsten no/ /de'i slob ma tsa'i rgyal ba lo/ 'khrungs sa gnyal stod/ mdo rgyud la sbyangs/ rje btsun gyi tshogs pa rnams kyi dpon du lo nyi shu rtsa lnga bzhugs/ gtsang pa ni/ la stod gcung / sum