[A:251a]yul 'tshol ba bya ba'am/ pham po srid tshol ba bya ba yin/ dang po 'di tshugs 'ong gsungs/ bla mas kyang zhag bdun mtshams gcod grogs mdzad/ de nas brtson pas mnal lam du la zhig la mi mang po 'gro yi 'dug ci la 'gro dris pas/ nged rnams gung thang gi gnyan rdo rje grags la gnod pa'i klu bskyas byed par ltar 'gro ba yin zer/ mnyam por phyin pas ri mthon po zhig gi khar bslebs dus/ lung pa zhig nas sbal sbrul mang po phyung phyung zer zhing 'gro /bya mang pos phyi nas yar 'ded byed cing la brgal song / mnal sad pa na ngo gdong yang 'jam nyal nyal 'dug lus thams cad bde sangs song / brgyugs pas kyang de khar 'dug nas/ yul na ni mdzes thu lum song zer ba yod/ pha dar ma grags la bu ma skyes ri shi byas nas te te mang du brdungs/ nangs par bla ma la zhus pas sos pa yin/ da dung log nyen yod pas srung ba byed dgos gsungs/ bsrung ba'i ched du zla phyed mtshams bcad/ de grol 'phral bod du byon/ bsod snyoms mdzad/ gser srang phyed dang bzhi rnyed pa 'bul du byon/ de res gdam ngag lhag ma med pa gsan/ ti bu dang yud cig mjal/ de nas 'khor te rje btsun la gtugs nas dbang gdam ngag mang po gsan/ bsgoms pas gtum mo'i drod rtags thon/ ras chen ras chung zhes yab dang mtshungs pa'i grags pa thob/ bla ma'i khrid gsar pa rnams kyi slob dpon mdzad/ de nas rje btsun gyis brdzangs nas rgya gar du phyi ma byon/ der bla ma ti bu dang mjal/ ba la tsandra'ang de'i slob ma paNDYi ta zla ba bzang po yin/ de las nA ro mai tri nas brgyud pa'i gdams pa/ gzhan yang de nyid kyi yab ga ya dha ra paN chen mkhas la man ngag che bas de'i gdams pa sogs gsan/ de'i dus grub thob a mo gha badzwa yis/ bod phrug snying rje bar 'dug ste tshe zhag bdun las mi 'dug pa zer/ thugs dngangs te bla ma la zhus pas/ grub pa'i rgyal mo zhes pa tshe dpag med dngos su mjal ba zhig yod pas spyan drang gi gsungs/ tshogs dang gser gyi maNDYal bshams gsol ba btab pas shing spangs gser gyi maNDYal de nyid du byon/ tshe dpag tu med pa'i sgrub thabs phyi nang gsang ba de kho na nyid las tshogs rta mgrin la sogs pa'i sham bu dang bcas pa gnang / zhag bdun gnyid med du bsgrubs nas ma gcig gis