[A:250a]ba dang spur khang nang na me rang 'bar ba de'i dbus su phyag gcig gis me lce mnan/ gcig gis zhal 'gram skyor te/ kho re tsho de skad ma byed dang / 'bag brgya bas sengge gcig dga' ba de ras chung pa yin yar thong / ras chung pa rang yang de ltar yus mi dgos gsung mtha' tshig gi mgur gsungs/ slar spur du song / der gdung rnams ring bsrel gyi gong bu gcig tu byas te yal/ lha dang mkha' 'gro'i mchod pa blos mi 'khyud pa byung / bod du kun mthun snang grub pa'i rdzu 'phrul ston pa 'di las lhag pa'ang lta ci/ mnyam pa'ang ma byung ngo / /slob ma nyi ma lta bu gcig zla ba lta bu gcig rgyu skar lta bu nyer gsum ste grub thob nyer lnga/ phyir mi ldog thob pa'i rtogs ldan brgya/ drod thob pa'i skyes bu rtsa brgyad/ lam sna zin pa'i rnal 'byor pho mo stong rtsa gcig chos 'brel thob pas ngan song gi rgyun lam chad pa brtsis las 'das pa 'ongs zhes bcom ldan 'das mas lung bstan pa ltar byung ngo / /de'i sras kyi thu bo zla ba lta bu ni rje btsun ras chung pa ste/ yul gung thang 'phrang rar yab gnyan dar ma grags zhes bya ba'i sras su 'khrungs/ mtshan rdo rje grags pa zer/ sku 'bras gtsang bas lha'i bu 'dra/ der klog yig mkhas par bslabs/ dgung lo brgyad la yab gshegs/ yum a khus bsdus/ de chos la mi dga' bas ma'ang de dbang song nas shin tu sdang / der klog bklags pas za yon phun sum tshogs pa byung / de bsnams za 'og phug tu mi la'i rtsar byon/ de nas ma khus dbang med khrid nas phru slog tu bcug pas mdzes zin/ de nas ma khus kyang mi la'i rtsar rgyug zer/ der rje btsun gyis glan lugs kyi phyag na rdo rje gnang bzlas pa byas pas thu ru red/ zhang po'i sa gung thang tsher yul bya bar phyin nas khang gog cig tu bsdad yod pas/ dzo ki bzhi byung ba'i rgan pa de snying rje che/ des khrid nas rgya gar du byon/ lam du 'phral skad sbyangs/ thugs rab che bas skad kyang mthar thug pa zhig mkhyen/ lam yang yun ring ba 'gor/ ta pa sa ta'i grong khyer bla ma ba la tsandra bzhugs par brtol/ las kyi rdo rje'i sgrub thabs 'bring po yi ge bcu pa'i dbang sgrub thabs gnang / zla ba gsum song ba dang lus thams cad phus btab pa bzhin skrangs/ nad zug tshugs thabs med pa byung / rnag khrag chu ser yang gang min nas rdol ba'i phol mig mang po byung nas/ bla ma la mi sos pa 'dra na zhus pas/ dmangs po