[A:249a]nga rgyal skyes pa g.yag ru che ru ma song / rje btsun chung du ma song bar de'i nang du 'khrul 'khor ldem me bzhugs pa dang / dpe la chags pa rkyang ma brgya bu brgya/ spyang ki ma brgya bu brgya'i 'bros 'ded/ rje btsun rang gi sku'i rtsa 'khor bde dgyes gsang 'dus gdan thod ma yA drug tu bstan pa dang / dkar brgyud bla ma dang sngags kyi dkyil 'khor sogs dang / pha bong rta ltar zhon nas rgyug pa/ chu ltar 'phyar ba/ 'dam ltar rdzi ba sogs sku gsung thugs kyi bkod pa mtha' yas pa bstan nas nga rgyal lhag ma med par mdzad/ de'i skabs su dpral ba'i rtsa mdud grol bas sa bcu'i byang chub sems dpar gyur pa'i tshul bstan/ sa bcu pa la rjes thob de bzhin gshegs pa rnams dang khyad par med kyang / zhes gsungs pa'i rgyu mtshan gyis so/ /bal po rdzong du dharma bo dhi/ shI la bha ro gnyis kyi phyag bzhes/ de nas mi ring bar dbus pa ston pa rje btsun rang gi rdzu 'phrul gyis thugs bsgyur nas bkug mjal dus chang bzhes 'phro de gnang bas lhag ma med par bzhes pas brgyud pa zin par dgongs/ bsod nams tshogs chen bsags las byung / /sems can kun gyi rin po che/ /zhes bsgrags/ de la bde mchog lha bcu gsum gyi dbang bskur ba'i dus na nga mi la rgas pas mi longs/ bum pa khyod rang song la bskur cig gsungs pas bum pa nam mkha' la 'phags te dbang bskur/ bsre 'pho gnad kyi mtshams sbyor bstan te sgom bcug pas thun mong dang khyad par gyi nyams mod la skyes/ gzhan yang gdam ngag legs par gnang / ras chung pas rdo rje phag mo bris thang la rab gnas zhus pas/ ye shes pa dam tshig pa 'di la bzhugs/ dga' ston du me tog 'di bzhes gsungs pas/ ye shes kyi lha dngos su byon te de la thim/ bris sku dbu seng byas te me tog bzhes zhes grag go /mthar gshegs pa'i tshe sa bcu gnyis kyi dbang phyug brnyes mod kyang / lam gnyis lhag mar las pa skad mdzad de/ 'di nas mngon par dga' ba'i zhing du byon nas/ der yongs su sbyong ba mdzad do zhes zhal gyis bzhes la/ mya ngan las 'das nas ras chung pa byon pa la lam du dngos su bsu ba/ rjes ma spur gyi rtsar phebs dus 'khor gsar pa rnams kyis ma btang bar ras chung pa yus nas brgyal/ brgyal sangs