[A:248a]med ri rab pang du bteg nas rdeg par rtsom/ dmar mo khrag 'dzag ce spyang gi gdong can rgya mtsho hub kyis 'thung / gshin rje gzugs 'chang ba nyi zla cha lang bzhin du rdeb/ sol ba'i bud med gad brgyangs can gza' skar thang la 'bebs/ shin tu mdzes pa lha mo'i gzugs kyis yid bslu/ gzhan yang gzugs med lag pa rkyong ba/ rtsi shing nags tshal 'gul ba/ sa rdo ri brag bgad pa/ phyogs bzhi 'obs kyis bskor/ mtshams bzhi gyad kyis srung ba/ nam mkha' me dang sa gzhi chus gtams pa/ mi sdug pa'i gzugs bred dgu tshogs/ mi bzad pa'i mtshon srid dgu 'phen/ mi snyan pa'i tshig dgu smra/ bar chad lung bstan gyis glu len/ mi bsrun pa'i bya ba yod dgus bsam gtan gyi drod nyul du byung ba rnams gsung ngag bden pa'i tshig gis bkrol/ phyag rgya gnyan po'i zil 'og tu mnan/ rang rtags srog gi snying po bzhes/ bka' 'bangs bgyid par brtsis la phab/ lhag par bkra shis tshe ring mas gtsos pa rnams la lta ba dbu mar gtan la phab/ sgom pa lam gyi rim par bskyed rdzogs kyi gnad bcun/ spyod pa 'phrang sgrol gnad kyi bar dor phye nas bstan/ bka' gsang snyan rgyud kyi gdams pa rnams gnyer gtad/ rje btsun nyid kyi las kyi phyag rgyar bzhes/ phyi rab rnams kyi mgon skyabs dpung gnyen du 'gyur bar mdzad pas/ nga'i bstan pa mi ma yin tshe ring ma dang / mi dbus pa ston pa des 'dzin pa yin gsungs/ de'i dus mgrin pa longs spyod kyi 'khor lo dwangs mas gang bas sa brgyad kyi rtogs pa brnyes/ de nas gangs ti se'i bar du byon/ der bon po ming sring btul/ nus pa che shos/ sring mo de'ang bon rang gi lo rgyus la/ bsam yas su 'khrungs pa co sa bon mo/ bla ma tshe dbang rig 'dzin gyi yum tshe'i rig 'dzin brnyes pa de yin/ nA ro bon chung de'i slob ma yin zer/ stag la me 'bar gyi sprul pa yin yang zer/ ming po rdzu 'phrul gyis btul/ sring mo phyag rgyar mdzad de dwangs ma dbang du bsdus pas thul/ thong la'i la thog tu dam pa sangs rgyas dang rdzu 'phrul 'gran/ spangs rtogs mtshungs par zhal bzhes/ rje ras chung pa rgya gar du brdzangs pa la ston pa dar blo'i rtsod lan ma thebs pas yin/ thos pa'ang gal che zer ba byung / rje btsun yab sras zab mo'i gdams pa len rgyu la dgongs/ tshur 'khor dus ras chung pa