[A:225a]thog rnams sa la 'byar te bab byung / de nas gang 'dod zo zer/ bsgrubs te gcig za bar brtsams te kha phye bas/ de'i nang du gdan bzhi ba'i dkyil 'khor rten brten par bcas pa mngon sum du gzigs te/ bud med ma smad mkha' 'gro mar mkhyen/ rnal 'byor ma mi rus kyi rgyan cha can gyis byin gyis brlabs pa yin/ de nas ri ri pa dang / ka so ri pa dge tshul can du phyin tshogs kyi 'khor lo bskor/ de thams cad du dpal nA ro pa dang mjal ba kho nar lung bstan/ de nas bi kra ma la shI la'i nA ro pa'i gtsug lag khang shar khri sgo brtsegs pa zhes yod pa der bzhugs te/ dgyes rdor rgyud gzigs/ rgyud kyi chings 'chad lugs thams cad paNDYi ta gzhan las nA ro pa lhag par mkhyen nas shin tu ngo mtshar/ ga na bzhugs kyang btsal dgos snyam pa ka li zhal blta ba ste 'bras dkar mo bre gsum dang nya sha zhig chas su bsnams te tshol du phyin pas ma rnyed par rigs ngan gyi grong du tshud/ der rgyal pos btson du bzung / zhag gsum nas btang / rgyal po de 'tsho ba'i yo byad ni sbyin sreg gi thab khung du rlung g.yab kyis g.yabs pas me 'byung / de'i gseb nas zas sna tshogs pa gzar bus bcus nas 'ong ba gzigs/ bla ma rnams rgyal po de'ang nA ro'i sprul pa yin gsung ngo / /de nas ma rnyed par dpal penda pa chung ba byon pa dang thug de sa mkhan du byas nas btsal yang ma rnyed/ penda pa log bla ma rang gis smyon pa 'khyam pa lta bur nags gseb dur khrod bas mtha' thams cad nyul bas/ nyin gcig tsandan gyi sdong po zhig gi steng na/ dgyes pa rdo rje lha dgu'i dkyil 'khor 'ja' tshon gyi gur phub pa lta bu snang la rang bzhin med pa/ sdong po la ma reg reg la khad pa de'i bcom ldan 'das ma lhan cig skyes ma'i thugs kar uShTa sngags kyi 'khor lo spu shad kyis bris pa lta bu sgor re ba skus mi sgrib pa zhal gzigs/ yang btsal bas shel gyi pha bong la nA ro gshegs pa'i zhabs rjes rnyed/ da de myur bar mjal 'ong snyam drod pa skyes te/ de kho na'i mdun du maNDYal 'bul gyin gsol ba btab nas zhag bdun song ba dang / dpal nA ro pa dngos su de'ang mi lpags kyi g.yang gzhi gsol ba/ thod pa dang kha TsAM ga bsnams shing / sku gcer bu stag sham ral pa'i thor tsugs rus pa'i rgyan drug gis brgyan pa dpal he ru ka'i