[A:224a]yod pa dang / rje btsun nA ro pa dang mjal bar lung bstan/ lho dug mtsho'i gling du byon/ de'i dus su dpal zhi ba bzang po de tshogs kyi 'khor lo mdzad/ bud med kyi ro zhig tshogs gral du 'dug pa'i thod pa rlon pa khrag tsa re ba'i nang du/ dpal zhi ba bzang pos gu ya ma tri'i chu ltem nas klad pa dang dri chu bsres pa de dam tshig tu brim zhing 'dug pa mar pa'i thad du sleb pa dang / thod pa'i rdzas chil chil khol gyin 'dug nas nang du gzigs pas mahA ma yA'i yig 'bru sngags kyi 'khor lo zhal gzigs/ zab mo sngags kyi rnal 'byor gyi rtogs pa dang mthar thug de kho na nyid kyi don khong du chud par byas so/ /de yang nA ro pa dang mjal bar lung bstan/ de nas nub tu la kShe trar byon/ dpal ye shes snying po gang na bzhugs dris pas/ rigs ngan ma zhig gis nye gnas byas nas nags gseb ya gi na bzhugs/ rigs ngan ma de da lta chu 'chu ru 'ong zer/ chu mig rtsar bsdad pas de byung nas bla ma la mjal ba'i zhu ba bskur bas spyil por song / de nas rigs ngan mo des bum pa zhig khyer nas 'ong ste chu 'di'i sum gnyis kyis khrus gyis sum gcig kha ru 'thung zer nas/ rigs ngan ma des wa ti la chu bzed kyi 'dug pas chu bum pa'i nang du blugs pa dang / de thams cad byang chub sems su skya mer gyis song / de nas bud med de rang bum pa'i steng du lus kyi 'khrul 'khor bcas nas 'dug pas/ gsang ba'i gnas nas rakta'i rgyun babs pas byang sems dkar dmar du 'dres pa de'i sum gnyis kyis khrus byas/ sum gcig 'thungs/ lhag ma yod dam snyam bum nang du bltas pas/ bum nang na dpal gsang ba 'dus pa'i dkyil 'khor rten brten par bcas pa khra sram me gzigs/ de ma thag tu dpal ye shes snying po byon nas phyag phul bas/ zhal nas khyod nyon mongs pa'i 'ching ba las grol lam/ rgyud yongs su sbyangs sam/ de kho na nyid kyi don khong du chud dam/ zhes gsungs nas byin gyis brlabs so/ /der sa brgyad pa brnyes/ de nas so sa gling du byon pas lam pa li pa Ta zhes bya bar brtol/ der bu mo zhig shing thog dpal 'bras srung gin 'dug de la shing thog bslangs pas/ de na re nga'i ma la bslang dgos zer nas des ma la sbran byung / de rnal 'byor ma'i chas can du 'dug des ltung ba'i lta stangs byas byung ba'i mod la shing