[A:226a]chas su zhugs pa zhig byon/ rab tu dga' ches yun ring po sdug bsngal bzhin du btsal ba'i yus kyis brnangs te lus sku la btsun mo lta bur 'khyud de ngus nas rje btsun thugs rje re chung zhes zhus/ de nas gser lhag thams cad maNDYal du phul bas ma bzhes/ nan gyis zhus pas bzhes te/ spyan zim mdzad/ bla ma dkon mchog mchod cig gsung nam mkha' la gtor song bas/ 'phangs snyam shar bas mod la/ khyod 'dod na slar yang yod do gsungs ma god par gtad/ 'di thams cad gser gling yin mod gsungs zhabs brdabs pas sa gzhi thams cad gser du song / der tshogs 'khor shoms gsung / 'di na nya khog gcig las mi 'dug zhus pas/ de dum bu drug cur gtugs la la ba'i khung du shing los gtums la cung zad zhog gsungs bzhag de nas cung zad song ba dang dbye bas bza' ba dang bca' ba'i rigs sna drug cu/ ro brgya dang ldan pa mang po zhig tu song 'dug pas/ der tshogs kyi 'khor lo mdzad de/ rang grol ye shes nyi ma yis/ /puShpa ha ri'i dgon pa ru/ /bhU ti'i ma rig mun sel la/ /ye shes snang bas khyab par gyis/ /zhes bla mas lung bstan pa yin pas puShpa ha rir 'gro gsungs byon/ der mkha' 'gro snyan rgyud/ rang lugs bde mchog 'khor lo'i slob bshad kyi rtse mor phyin pa/ gzhan yang bsre 'pho'i man ngag lhag ma lus pa/ ro snyoms sogs sngar ma gnang ba dang gnang ba rnams snying por bsgril te gnang der zla ba gsum bzhugs zer/ de dus bla ma 'di ma rnyed pas sbyangs/ da bod du log mi 'gro bla ma 'di rang gi drung du sdod snyam thugs la shar bas/ slob dpon spyod pa bas shar phyogs kyi rgyud byin gyis brlabs pa yin/ slob dpon 'phags pas lho phyogs kyi rgyud byin gyis brlabs/ rgyal po indra bhU tis nub phyogs kyi rgyud byin gyis brlabs/ ngas byang phyogs pa ta'i rgyud kha ba can byin gyis brlabs pa yin pas/ khyod 'di ru ma sdod bod du song zhig byang phyogs kha ba can gdul bya snod ldan yod do gsungs te/ bla ma rang phyogs las rnam rgyal gyi spyod pa la zhugs te mi snang bar gyur to/ /de nas gser lhag ma rnams kyis rten mahA bo dhi sogs la mchod pa mdzad dgongs/ de'i dus su rdo rje gdan gyi dus mchod dang 'dzom/ der nyin mo mis mchod pa 'bul/ nub mo mi ma yin gyis mchod pa 'bul ba yin pas/ de'i dus su nub mo ku co chen po byung / nang par bltas pas srin