[A:223a]la 'bud/ /'khor lo bde mchog 'khor lo ste/ /bskor ba snyan rgyud 'khor lo nyid/ /bu chung zhen pa med par bskor/ /zer mnal sad pa dang dpal nA ro pa'i drung du 'gro ba la bskul bar dgongs te/ chos 'phro rnams 'phral la bsgril lho brag tu byon/ rgya gar du chas pa la grwa bu slob rnams kyis nan gyis zhus kyang ma gsan/ nga bla ma la dam nyams na mi rung / lan gcig cis kyang shog gsungs pas 'gro gsungs/ cis kyang thegs na phyag phyi ba dang bcas te thegs dgos zhus pas ma gsan par gcig pur bzhud par chas/ der grwa pa thams cad kyis gser ci rnyed byas pas gtos che ba byung ba bsnams te byon/ nyang stod du jo bo rje phebs pa dang mjal/ chos 'grel gsan skad cha zhus pas/ rje btsun nA ro pa na ning gi lo gsar gyi nya la spyod pa la gshegs gsungs pa thos pas thugs thon 'gro ba lta bu zhig byung / 'on kyang bla ma grongs pa ni min mjal ba zhig cis kyang yong snyam pa'i re bas gsos/ der nga'i lo tsA la sdod gsungs/ bla ma la dam bca' phul pa'i lo rgyus zhus pas/ 'o na bden/ rje btsun thugs rje che bas mjal ba'i skabs dbye ste 'ong gsungs/ de nas bal por phebs/ dgun de nyid la rgya gar du byon/ dge tshul pa dang mjal lo rgyus rnams zhib tu dris pas/ jo bo dang mthun par byung la/ spyod pa la gshegs khar kho cis kyang sleb 'ong / de la 'di gtod gsung byin rlabs rten 'ga' zhig gtad/ der khong nas rje btsun thugs rje che bas dang khyod rang mos gus kyi gdung shugs che ba 'dzom pas mjal rang 'ong / de la yo byad 'di tshos tshogs 'khor bskor la gsol ba thob gsungs pa bden snyam/ thog mar mai tri pa'i drung du byon/ de'i dus su dpal gnyis med rdo rjes thugs la btags/ dus de'i tshe ngo mtshar ba'i ltas ni sna tshogs pa byung ste/ sku rgyab gtad pa'i ljon shing gis yang yang g.yo ba dang mgul ba/ sprul pa'i ce spyang dmar mo bdun nam mkha' nas dngos su gtor ma len pa/ sa gsum gyi mkha' 'gro rnams gar bsgyur sngags kyi rang sgra sgrog pa/ bar snang gang ba'i zhing skyong gi mkha' 'gro rnams rol mo 'bul ba/ sgron shing mar me mdzub gang zhag bdun du 'bar ba/ mnga' bdag gi gsungs nas/ khyod skye ba gsum gyi 'og rol tu sangs rgya bar 'gyu ro zhes dang / ljongs kha ba can gyi rgyud du gdul bya snod ldan