[A:217a]slob ma gcig gis spyan drangs/ 'bul ba mang po byung ba bsnams te slar log 'gro ba'i zla la byon pas/ dge bshes des shin tu bkur sti che bar mdzad sgyer phu tshun bsdebs jo bo de la nga lho bal du lo tsA slob tu 'gro rgyu yin/ da res khyod kyi thugs la btags/ tshe'i bar chad ma byung na phyis 'bab sa'ang zhu dgos byas pas/ nga rgas pas phrad mi 'ong / bu 'di kun la byed 'jug pas cis kyang byon zhig gsung / rdzong pa'ang mdzad/ mang yul du byon/ der gnyos 'byung po dang phrad de khong dang bsdebs nas byon pas/ bdag bal yul gyi lam du zhugs tsa na/ /gcan 'phrang chu la thar dus med/ /nags 'thug po zhig la thon dus med/ /lam ring po zhig la bgrod dus med/ /lam de kun gyi bde dog mthong tsa na/ /bya dgung la 'phur ba gshog pa 'dar/ /'on kyang ngal dub bya rin mchog /yul lha las babs pa'i bal po mthong / /phyi 'dod yon lta bas chog mi shes/ /mi 'dod khams kyi lha phran yin nam snyam/ /der lo gsum tshad pa la 'dris su bcug de'i ring la byin rlabs can gyi bal po pham mthing pas rnam rgyal dbang po'i sde la gsan pa'i gdan bzhi'i bshad pa gsan/ sgra dang tshad ma gso ba la zhar chos mdzad/ de nas b.ratal zhugs spyod pa penda pa chen po des rgya gar du khrid/ de nas rgya gar 'gro tsa na/ /mtha' 'khob kyi jag pa shi skyid la/ /srog ci bder thon pa cung ma bsams/ /gcan gzan gyi ngar skad thos tsa na/ /yid brtan par phyin kyang gom tshugs 'khyor/ /lam de kun gyi bde dog bshad tsa na/ /dus da lta dran yang glo snying 'dar/ /chu grags pa can gyi ganggA brgal/ /'on kyang bka' ba spyad rin chog /yul dbus 'gyur 'chang gi bkod pa mthong / /dpal rdo rje gdan gyis sna drangs nas/ /rten khyad par can la mchod pa byas/ /der bi kra ma shI lar slebs/ dge tshul shes rab sengge dang mjal/ da lta bla ma rgya gar shar phyogs su byon nas ma bzhugs zhag shas ngal gsos gsungs/ der pho nya byung nas bla ma yang dgon par phebs grub/ khyod kyi der bod kyi slob gnyer ba zhig kyang yod 'dug pa khrid shog gsungs te shar phyogs su byon/ ljongs me tog rgyas pa ri bo gser gling gi dgon par dpal nA ro pa dang mjal/ der tshogs dang mchod pa gu lang gser gyi maNDYal phul nas chos gnang