[A:215a]dngos su tshar gsum/ rdo rje'i tshig rkang / sgyu ma lam rim/ gzhan yang rgyud sgrub thabs mang po gsungs/ brgyud pa bdun rdzogs pa'i bar du chig brgyud gyis/ ngas byin gyis rlob cing lung yang ston gsungs/ de nas sbas pa'i rnal 'byor pa dang / bi rU pa'i slob ma mkha' 'gro ma su kha siddhi mjal/ khyod nas brgyud pa rnams la'ang ngas sku dngos su ston cing byin gyis rlob bo gsungs/ tshur byon glang ri thang pa la bsnyen par rdzogs/ 'phan yul 'jog por 'chad dkar dgon pa btab/ der ri nag po'i khong seng gi rnal 'byor pa rA hu la gupta badzwa byon/ rgyud sde lnga'i dbang sogs mang du gsan/ de nas shangs su byon lo gsum gyi nang du zhong zhong la sogs pa'i dgon gnas btab/ de'i slob ma rme'u ston pa/ g.yor po rgya mo che/ rdul ston rin dbang / la stod pa dkon mchog khar/ rmog cog pa/ zhang sgom chos seng yin/ rmog cog pa dang por de nyid dang / phyis sgam po par gtugs nas phyag rgya chen po'i rtogs pa shar ba yin/ de'i slob ma 'khrungs yul stod lung rnam pa/ gdung rus 'bal/ skyer sgang par grags/ rmog cog pa las khyung po'i chos yongs su rdzogs pa gsan/ de'i slob ma sangs rgyas gnyan ston chos kyi shes rab/ 'khrungs yul yol gyi mda'/ gdung rus gnyan/ skyer sgang pa las gdam ngag rdzogs par thob/ de'i slob ma sangs rgyas ston pa bsil mar bon gyi brgyud du 'khrungs/ sangs rgyas gnyan ston la thug de yan la brgyud pa rin chen bdun brgyud zer/ de la mkhas grub bshangs ston dang / mkhas btsun gzhon nu grub gnyis/ dang po las 'jag pa dang / gnyis pas pa snam bsam sdings btab pas 'jag bsam gnyis su gyes la/ shangs pa bka' brgyud ces grags so/ /yang jo bo mai tri pa'i slob ma rnams las phyag rgya chen po bod du 'gyur ba la snga phyi bar gsum/ snga ma kong ni ru pa las brgyud pa ste/ de'ang mai tri pa'i slob ma ka ro pa/ de'i slob ma mchog tu gyur pa ni ru pa ta'i rnal 'byor pa/ de bla ma dang mkha' 'gros lung bstan pas bod du byon pa'i lam bgres ches nas bal por kong chung pa 'das pa'i ro la grong 'jug mdzad pa yin/ zangs gling pa'i paNDYi ta'i cha byed du byas nas byon pas zangs gling pa byon par grags/ bar pa la stod smad gnyis las