[A:213a]phyar chen/ lho na badzwa kro dha/ nub na phyar chung / byang na byang chub sems dpa' kun dga' rnams las/ kun dga' sras thams cad kyi gtso bo yin/ ding ri'i shar phyogs tsha gud du 'khrungs/ skye ba lngar dam pas rjes su bzung ba/ sku tshe 'di la de'i gdam ngag gi mdzod/ de'i slob ma pa tshab sgom pa 'phan yul ba yin no/ /de'i slob ma rgyal ba te ne/ de'i slob ma rog shes rab sengge/ zhig po nyi ma sengge gnyis las mched de/ zhi byed la gces pa'i lugs 'dzin mang por byung ba yin no/ /dam pas bal po nas byon res gtsang du skyo bsod nams bla ma dang / sma ra ser po la spyod yul gyi gdams pa gnang / dang pos ma gcig lab sgron/ de gzhon nu nas grwa pa mngon shes la rab tu byung / de'i bla mchod byas sher phyin klog pas stong pa nyid gsha' mar go dam pa dang mjal/ 'dam bur klog la byon pas/ cer grong pa thod pa bha dra bya ba dang 'dus pas bza' mir song / kong por byon/ de nas g.yer phebs/ gangs par spel gcig mar sbas snying po grub pa/ grub chung yang grub gsum/ sras mo gnyis 'khrungs/ skyo bsod nams bla ma khams nas log pa'i lam du sgyu 'phrul gyi dbang gsan/ dbang gral du rtogs pa shar/ spyod kyi gdams pa gsan/ gdul byar gyur pa la gdam ngag bshad/ phyis zangs ri khang dmar gyi phug par bzhugs/ gcod kyi gdams pas bod gang bar byas/ slob ma mchog bzhi la/ yar stod nas snyags pa rgyal mtshan/ yar smad nas an ston rin chen dpal/ bar na 'dreng jo sras/ shung bu lo tsA ba zer/ gzhan yang mang ngo / /sras snying po grub pa rjes su bzung bas 'khrul zhig chen po zhig byung / de la sras tshe dbang / khu byug rdor grags/ kham bu ya le bzhi/ che ba'i sras rgyal ba ston gzungs/ thod smyon bsam 'grub skye med 'od gsal lo/ /thod smyon bsam 'grub la mdze byung / sham po gangs la bsgrub pa mdzad mdze thon/ grub thob tu grags/ slob ma pho mo nyi shu rtsa gcig sras mo grub thob bco brgyad byon zhes grags te/ de dag las mang du mched pa ni mo spyod/ yar klungs kyi sma ra ser pos nyams su blangs/ 'gres khar rang gi nye gnas smyon pa be ro la bshad par gnang / des ce ston dang sum ston gnyis la gnang / ce ston gyis gnyen ston/ sum ston gyis skal ldan sras mo/ des