[A:212a]tsA ba sogs mang la/ byang chub sems dpa'i rgyud 'grel gsum/ dpe med 'tsho'i sbyor drug bde phag gi man ngag gnang bas ji snyed pa'i mkhyen pa shar ba ni rgyal dbang chos rje'o/ /pha dam pa sangs rgyas kyis/ dang po tsa ri'i rong 'bri thad nas thon te tsa rir re ma ti la rkang mgyogs gsan te/ kong yul khams su byon te slar log gnyis pa kha che nas byon/ gsum pa bal po nas/ bzhi pa mtsho sna'i sha 'ug stag sgo nas gnyal du byon nas/ lnga pa bod nas rgya nag slar bod du phebs pa yin/ des slob ma dpag tu med par smin par mdzad kyang grags che ba zhi byed brgyud pa snga phyi bar gsum/ snga ma kha che dznyyA na gu la/ de od po lo tsA bas bsgyur/ brgyud pa bar pa/ rma/ so/ skam gsum/ dam pas gnyal nas yar stod du phebs/ rma dang mjal te/ de yar stod skyer snar rma smon lam zhes pa'i sras su 'khrungs/ mtshan chos kyi shes rab/ yab la padma dbang chen/ spyod phyogs/ dbu ma do ha sogs bslabs/ bcu dgu pa la khong khams ma bde bar rang gi khang thog tu bzhugs pa'i tshe/ a tsa ra nag po ras rkyang phrag la bkal ba zhig byung ba sgo'ang ma bstan par mkhyen te nang du byon byin brlabs mdzad pa tsam gyis bsnyun dengs/ phyag rgya chen po btab pas rma la nyams rtogs khyad par can skyes/ zhag bco brgyad song ba dang dam pa byon 'phan yul du shog gsung / bsgoms pas drod kha rnyed de so chung ba khrid nas 'phan yul du byon gdam ngag tshar/ bsgrub pa mdzad bu chen lnga sogs byung / so ni yar stod ra me nang mi rnams sprad de 'ongs/ bu spun gnyis yod pa'i pho bo gzugs chung bas so chung / nu bo gzugs ring pas so ring zer/ der rma'i phyag phyir khrid nas dam pa mjal/ rma log nas yun ring du bsten gdam ngag che/ de'i slob ma sgom chen slon lam 'bar sogs so/ /skam gra pa'i slob ma phar phyin shes pa skran nad kyi zin pa zhig dam pa spyan drangs/ tshogs pa'i gseb tu brda'i ngo sprod cig mdzad pas/ skam nges shes skyes nas/ mi mang gi gseb tu re 'phangs snyam pa dang / dam pa'i zhal nas brda mig can gyis mthong ba yin/ mig med kyis mi mthong gsung ba bzhin gzhan go ba mi gda'/ gdam ngag rdzogs/ nad las grol/ rtogs pa shar/ slob ma bskyangs so/ /brgyud pa phyi ma la dam pa ding rir byon/ der slob ma bskyangs pa'i mchog shar na dam pa