[A:211a]de la 'phags pa rin po ches kyang bsngags bsngags mdzad/ dpag bsam 'khri shing la gzhi 'gyur sgra snyan dngags ming gi mngon brjod rnams kyi srol legs par btsugs/ rang gi gcung blo brtan la'ang legs par bslabs shing / lo tsA ba mchog ldan sogs slob ma legs par thon/ 'di sku mched gnyis kas grub thob chen po u rgyan pa'i spyan sngar gdams pa mang du gsan te/ khrid chen brgyad bsnyen sgrub sogs la zin bris mdzad/ gcen bal por byon nas gshegs/ dpang lo gyam du 'khrungs/ yum snga mor grongs nas lug gi 'o mas gsos/ dbu skra rgod tshang pa'i gdan sa rgyal sras byang gling pa la bcad/ de ni sengge dgu tshar gyi sengge shes rab yin/ de dang u rgyan pa la'ang chos mang po gsan/ mkhan po gser khang pa las dge tshul mdzad de mdo rtsa bslabs/ de nas stag sde pa las sngags mtshan nyid/ khyad par dus 'khor gsan/ bcu dgu bzhes pa'i tshe stag sde pa gshegs nas/ lo tsA ba mchog ldan la gtugs te/ ka tsan snyan dngags mngon brjod sogs mkhas par bslabs/ gzhung de dag 'gyur mdzad/ bal por lan bdun byon/ bo dong e'i gdan sa mdzad/ bu dol gnyis/ dpal ldan bla ma dam pa sogs kyi zhabs la btud/ de nang nas bu ston mkhas pa chen por gzigs nas/ rang gi dbon po lo chen byang chub rtse mo khong la sbyar te/ khyod rang dang mnyam pa zhig bzos gsung / byang rtses bu las sgra tshad dus 'khor sogs mkhas par bslabs/ 'di'i slob ma lo tsA ba nam mkha' bzang po/ de'i slob ma sgra pa thugs rje dpal te/ sgra snyan dngags la sku drin che'o/ /byang rtse'i dbon po lo chen grags pa/ byang rtse dang lo grags gnyis ka sngags la bu'i brgyud 'dzin rang yin/ de'i dbon bo dong pa chos kyi rgyal mtshan/ paN chen phyogs las rnam rgyal du grags pa mkhas pa'i dbang po dbyangs can mas dngos su byin gyis brlabs pas mkhyen pa la mtha' med/ de kho na nyid 'dus pa zhes bya ba'i bstan bcos brtsams/ bod du bstan bcos brtsams pa la 'di mang / 'di las bo dong pa zhes bya ba'i lugs byung ngo / /gzhan phyis paN chen nags kyi rin chen bod du byon/ dus kyi 'khor lo la sogs pa gnang ba'i slob ma/ grags pa 'byung gnas/ bdag po kun dga' legs pa/ 'gos gzhon nu dpal/ byams gling pa bsod nams rnam rgyal/ khrus khang lo