[A:20a]nyi shu rtsa gsum mnyan yod du/ /sman gyi nags su lo bzhi ste/ /'bar ba'i phug gi gnas su gnyis/ /rgyal po'i khab kyi grong du lnga/ /dka' ba spyad pa lo drug ste/ /nyi shu rtsa dgu khab gnas su/ /rgyal ba de ltar brgyad cu la/ /thub mchog dam pa mya ngan 'das/ /zhes dang / mya ngan las 'das chen rgya gar 'gyur las/ dpyid zla tha chung sa ga'i tshes bco lnga'i mtshan mo'i dgung thun la 'das par bshad do// // ! gsum pa de gces spras su mdzad pa'i mkhan po ji ltar byon pa che long tsam 'chad pa la sdud pa pos bsdus tshul/ bstan pa'i gtad rabs/ theg chen ji ltar rgyas pa'i tshul 'chad pa gsum las/ dang po ni ston pa ma 'das gong tsam du shA ri'i bu 'khor dgra bcom pa brgyad khri/ mo'u 'gal gyi bu bdun khri/ ston pa 'khor khri brgyad stong dang bcas pa dang / gzhan yang phal cher grongs pas tshe bskal pa mang po thub pa'i lha rnams ston pa'i gsung rab ni dud pa tsam du gyur te/ dge slong dbang yod pa dag kyang mya ngan las 'das pas sde snod gsum mi sgrog go zhes 'phya ba bsal ba'i phyir/ 'od srung chen pos dge 'dun 'du ba la gang po bkod nas/ gang pos rab mtha'i bsam gtan la zhugs te bltas nas gaNDYI brdungs pas/ ba lang bdag ma gtogs pa 'dus so/ /de 'bod par phyin pas sangs rgyas mya ngan las 'das pa thos pas de'ang mya ngan las 'das so/ /de nas 'od srung chen pos dge slong dag nyon cig ji ltar de ni 'phags pa'i tshul gyis 'das/ /gzhan gyis de bzhin rab zhir 'gro mi bya/ /de bas ji srid dgos pa'i don bya zhing / /dbang can tshogs nas de srid 'gro bar bya/ /ji ltar bsod nams las kyi gzhir gyur pa/ /shir sha ka yi sems mchog ba lang bdag /de ltar khyed kyis de bzhin mi bsam ste/ /'gro don dgongs phyir tshogs nas blo gros bya/ /zhes khrims su bcas nas smras pa/ 'dir chos kyi tshul bshad na dge slong mang po 'ongs na g.yeng bar byed pas ma ga dhar 'gro'o zer nas slob pa'i dge slong gzhan zlog cing kun dga' bo chu'i zhal ta bar bskos nas/ kun dga' bo dge 'dun dang bcas pa ljongs rgyu zhing song / 'od srung chen po drang po nas song ste rgyal po'i khab tu song ba dang ma skyes dgras mthong ste ston pa dran nas/ glang po che las lhungs pa 'od srung gis bzung nas phyir de ltar mi byed par bcas te/ lha'i gnas 'dir chos kyi tshul