[A:208a]la/ des de nyid kyi sras dharma shwa ra la/ des nam mkha' 'od/ des se mo che bar grags pa/ dharme shwa ra'i sras nam mkha' rgyal mtshan la/ des 'jam gsar la/ de la rong pa rga los gsan/ 'di la 'bro'i 'gyur la brten pa dang / paNDYi ta dang sgom pa dkon mchog srung gi bar du lo tsA ba shes rab grags bcug kyang chog pas 'bro lugs zer/ rwa lugs ni/ rwa rdo rje grags kyi dbon po chos rab kyi rwa lugs kyi chos skor mthar phyin/ dus kyi 'khor lo don du gnyer nas bal por byon/ paNDYi ta sa manta shrI la lo lnga zla ba bcu zhag lngar bar ma chad par bsten rgyud dbang man ngag rdzogs par gsan/ paNDYi ta bod du spyan drangs/ rgyud 'grel bsgyur/ gser srang sum brgya phul/ gshegs skyel yang skyi rong tshun mdzad/ des sras 'bum seng / des rong pa rga lo la/ 'di ni gtsang rong du 'khrungs/ dpal rga lo'i skye ba yin pas mtshan rga lor thogs/ kha che paN chen dang mjal/ yab dang dpyal chos bzang bsten sbyangs pa rgya chen po mdzad/ 'od gsal chung na bzhugs te bsnyung / rgyal po'i bar chad thu bas zin/ thar par gshed dmar gyi dbang zhus nas bar chad las grol/ gzhan yang sa paN/ 'jam gsar/ rwa 'bum seng / bi bhU ti tsandra dang khro lo sogs bsten/ dus kyi 'khor lo bshad pas man lung gu ru sogs mkhas pa mang po thon/ 'phags pa rin po che dang chos phar zhu tshur zhu/ de'i sras shes rab sengge yab dang / bla ma dpyal pa dang / stag sde ba sengge rgyal mtshan sogs las sde snod/ rgyud sde/ khyad par dus 'khor la mkhas pa chen por gyur gyi bar sbyangs te/ slob ma lo tsA ba yang bar pang gsum sogs mang po thon/ sras bla ma rdo rje rgyal mtshan/ des yab la sogs pa las thos pa mthar phyin mdzad/ rgya nag tu rgyal pos gdan drangs/ thams cad dad par byas te grongs/ de la bu ston gyis gsan/ bu ston ni 'khrungs sa shab sgom gnas/ khro phur tshad ma'i skyes bu yang rtse ba sogs la gtugs/ grags par gyur la yab dang bcas te dbus gtsang la grwa skor mdzad pas/ pha ston pa bu ston pa 'dug ces pas mtshan bu ston du grags/ zha lu'i 'chad nyan du bskos/ thar lo la sgra/ bla ma rdo rje rgyal mtshan la dus 'khor/ rgyang mkhar jo tsha'i 'phags 'od yon tan rgya mtsho la 'phags yo ga dus gsum sogs te/ bla ma du ma las ngoms pa med pa'i