[A:207a]kyi skor/ gshed nag po'i skor/ gdong drug gi skor/ mtshan brjod sogs bsgyur/ de yang 'bre shes rab 'bar gyi gsungs nas/ bod du bsgyur ba'i chos la dge bshes rwa lo tsA ba'i chos las zhe zhim pa med/ paNDYi ta mkhas pa'i dgongs pa lon cing / bod chos kyi bsres lhad med pas so gsungs/ de 'chad nyan mdzad/ 'jigs byed/ dgra nag gdong drug gsum bshad pa'i slob ma nyis stong tsam yod par grags/ de dag las lha btsun sngon mo sogs che dgu /bshad pa'i rgyun khong rang gi dbon po rwa chos rab/ rwa ye shes sengge/ rwa 'bum seng / rje btsun rga lo yab sras rnams las brgyud de/ de ding sang 'jigs byed rwa lugs zhes g.yer che'o/ /rngog ston chos kyi rdo rje sambu Ta'i bshad pa de la gsan no/ /dus kyi 'khor lo ni/ kha che zla ba mgon po bod du byon/ kha rag gnyos la babs/ 'grel pa dri ma med pa'i 'od bsgyur/ gser srang brgya brdzang bar chad pa la ma brdzangs pas/ paNDYi ta ma mgu bar 'grel pa phyed las ma bsgyur/ 'gyur byed 'phro bsnams nas 'phan yul grab tu byon/ zhang ston chung bas bla mar bzung / 'bros lo tsA byas nas yongs su rdzogs par bsgyur/ gnyos kyis zhang ston la khyod kyis nga'i bla ma phrog pa yin pas wa gseb tu yungs kar gtsang nge ba zhig bya yi zer ba la/ khro bo brgya yis sdigs kyang mi 'jigs/ lha mo brgya yis 'dzum bstan kyang mi chags pa yin zer nas zhabs tog mdzad/ gnyos ston ye shes mchog la sogs la 'bul ba cher phul yang sod spor tsam las ma gnang / 'phan yul grub tu sku 'khrungs pa sgom pa dkon mchog srung gi 'byor pa thams cad bsdus pas gser srang drug byung / de dang dar yug ske la btags te lus phul nas zhabs tog mdzad/ ji ltar gsung ba bzhin bsgrubs pas gzhung man ngag ma lus pa gnang / de la sgro ston gnam la brtsegs kyis paNDYi ta rtsad chod nas gser srang bcu gnyis dang rta nag po zhig phul zhabs tog yun ring por mdzad kyang so sor spong ba ma gtogs ma gnang / de dus dkon mchog srung la zhus kyang ma gnang / paNDYi ta rgya gar du log nas shul du lo gsum/ yer par lo gsum ste drug la gzhung man ngag tshang bar zhus/ des gangs ti se'i 'brog pa rngam khrom pa dad pa rgyal po zhes bya ba'i sras grub chen yu mo