[A:205a]bu ston/ mar do ni yar 'brog bla ngo'i rgyags su 'khrungs/ mtshan chos kyi dbang phyug paNDYi ta dang / rong zom dang / go rub lo tsA ba rnams la skad bslabs/ rgya gar du byon/ bal por mar pa tshur log pa mjal/ nA ro pa ti ra hu tir phebs pa yud cig mjal/ lho brag pa'i gsung bzhin nA ro pa'i slob ma ka na ka shrI/ pradznyyA rakShi ta/ kha che byang chub bzang po/ pra mu ra badzwa rnams la bde mchog gi dbang rgyud man ngag legs par gsan/ paNDYi ta mang po bsten/ phyir bal por log dus bal po mched/ ka na ka shrI/ phyag na'ang mjal/ khyad par su ma ti kIrti la brten nas bde mchog gi skor tsho bsgyur/ bod du phebs nas mkhas pa rgya bsam/ de'i gze ba blo ldan/ khams kyi cog ro chos rgyal/ lho'i la yag pa byang chub dngos grub sogs dang / sras nam mkha' 'od sogs mang po/ bshad bka'ang dar ro/ /phag mo'i skor ni de dang lo tsA ba blo ldan shes rab kyis bsgyur/ dpyal 'byung gnas rgyal mtshan zhes pa nA ro pa dang smr-i ti'i slob ma yin/ des smr-i ti bod du phebs nas ra rdzi mdzad pa jo bo rnams la gser byin nas bslus/ smr-i ti la sku bsod skyes/ bzhugs par zhus kyang ma gsan khams su bzhud/ der 'gyur yang 'ga' mdzad/ mtshan brjod sgeg pa'i rdo rje lugs kyi bshad pa gnang / bshad rgyun 'di rngog la yod/ dpyal 'byung gnas rgyal mtshan gyi dbon se che nor rgyal bal por byon/ pham thing pa la btugs/ kye rdo rje nA ro lugs kyi bshad pa bskyangs/ de nas thar lo'i bar du lo tsA ba mkhas pa mang du byon/ jo bo bod du byon dus smr-i ti dang dam nyams yin gsung / thar pa la yol ba btang ma gzigs par mdzad zer ba cal brgyugs su zad do/ /gsang ba 'dus pa ni jo bo dang paNDYi ta A ka ra siddhi gnyis nas nag tsho/ des rong pa rgya sor pa/ des zhu lan pa/ des lha ri ston pa/ des ngor rje las brgyud pa dang / khyad par rta nag phu'i sa'i cha khug pa zhes bya bar 'khrungs pa/ rus 'gos mtshan lha btsas/ des dang por zur pa'i slob ma byas pas las kho na bcol chos ma bslabs pas 'brog mi'i thad du byon/ chos kyi 'brel tsam tshugs kyang rgyud nyan 'dod pa la gser khyer shog gsung / gser legs par 'grub pa dang bdag nyid rgya gar du 'gro ba'i spobs pa skyes te rgya gar du byon/ paNDYi ta rnams la chos gsan pa'i tshe brtson 'grus ma bskyed na