[A:204a]mang du bsten nas mkhas pa dang / se chen gyis bod 'bangs su bcug ste/ de thams cad 'phags pa rin po che la phul bas/ bod rgyal po'i rjes la 'phags pa rin po che bod khams kyi sa'i cha la lung gtong rgya che/ chos lugs thams cad rang rang gi lugs kho na la spyad chog pa'i lung stsal/ bsgyur bsgyur ye ma mdzad/ 'chad nyan kyang mdzad cing sa skya lugs gnyis kyis 'gran du med pa bzos/ slob ma bshad pa'i srol 'dzin shar nub gung gsum dang / bla ma grags pa 'od zer/ bla ma bkra shis dpal la sogs mang du byung / gsung ngag legs par rdzogs pa zhang dkon mchog dpal dang / dge slong kun dga' blo gros gnyis las ma byung zhes grags so/ /de'i dbon sras dpal ldan bla ma dam pa mkhyen rab sa paN dang mnyam/ gzhan theg chen chos kyi rgyal po sogs da lta'i bar du rim par byon pa'i chos kyi rje de dag gi ring lugs las ding sang gi bar du dpal ldan sa skya pa zhes rgya bod hor gsum du khyab pa/ bshad pa'i bka'/ sgrub pa'i lung / nyams len thams cad dpyad pa gsum gyis dag pa 'di rnams byung ba yin zhing / de'i sngags kyi lugs 'dzin sa skya kun dga' rnam gnyis su grags pa dang / kun dga' rnam rgyal te/ rdo rje 'chang mngon sum pa de dag las ding sang ngor rdzong du bye ba dag yin/ sa skya pa bying ngor par gyur to/ lo chen/ 'brog mi/ 'gos sogs kyis bde mchog bsgyur bshad mdzad kyang bshad rgyun med/ klog skya shes rab rtsegs kyis pham thing pa'i gcung la gsan/ de la mal gyos zhus/ slad kyi de nyid kyis bal por byon nas nA ro pa'i slob ma byang chub bzang po dang / ka na ka shrI'i slob ma bal po thugs rje chen po/ pham thing ba dpon slob la nyan/ spu sreng lo tsA ba grags mchog shes rab/ de mar do'i lo chung yin pas bla ma gcig spu sreng lo chung zhes grags te/ des 'ja' lus byas so/ /mal gyo las sa chen sogs dang / spu sreng lo chung nas dmar chos rgyal ba/ mnga' ris kyi ston pa dkon mchog 'bar/ des thur la'i mkhan po tshul khrims skyabs/ de la thang spel ba sogs nas bu ston gyi bar du lo dril nag po sogs dar ro/ /mar do lugs kyang / des gze ba/ de'i slob ma khang gsar ba/ de la yang rtse ba/