[A:203a]dgyes rdor rgyud gsum gyi glegs bam gsol ba'i mnal lam byung bas chos thams cad kyi de kho na nyid thugs su chud/ sa chen la sogs pa las mdo rgyud kyi thos pa mthar phyin/ dgung lo bcu gsum nas bdun cu'i bar 'chad nyan mdzad/ yi dam lha mang po'i zhal gzigs/ mthu stobs bi rU pa dang mnyam/ 'byung po 'jigs byed lta bu'ang mtshan bsgrags pa tsam gyis 'bros skad do/ /rdo rje dril bu gnam la 'jog pa sogs rdzu 'phrul du ma bstan no/ /de'i gcung po'i sras chos rje sa skya paNDYi ta/ mtshan kun dga' rgyal mtshan/ sku gzhon nu nas rje btsun pa la thos pa/ bco brgyad pa la mnal lam du dbyig gnyen la mngon pa gsan pa dang / gzhan phyogs kyi glang po'i phug yin zer ba zhig tu tshad ma'i po ti mang po 'dug pa kun gyi lde mig gtad pa rmis pa dang / bcu dgu pa la 'phreng du dge bshes gzhu la tshad ma/ nyi shu la rkyang 'dur du tshur gzhon seng la tshad ma dang rig tshogs/ chu mig ring mor kha che paN chen dang mjal/ tshad ma chos mchog rgya dpe'i steng nas/ paN chung dA na shI la la sgra tshad/ lhag par sanggha shrI sgra la mkhas pas sgra sogs tha snyad/ paN chen dbus 'khor nas dgung lo nyi shu rtsa bdun pa la bsnyen par rdzogs/ mkhan po dang rtsegs dbang phyug sengge/ spyi bo lhas pa sogs bla mar bsten te yongs su rdzogs pa'i paNDYi ta chen por gyur/ 'phrog byed dga' bo rtsod pas btul/ sdom rig sogs bstan bcos mang du mdzad/ sku che ba'i yon tan gsang ba'i gnas ltar mi mngon pa dang / dbu'i gtsug tor gsal por 'phags pa dang / smin mtshams kyi mdzod spu dung ltar 'khyil ba dang mngon par shes pa mnga'/ 'jam dbyangs kyi sprul pa yin/ rgya nag tu rgyal po go dan gyis spyan drangs/ re lnga pa la de dang mjal/ rgyal po theg chen la btsud/ de sogs gdul bya mang po smin pa dang grol bar mdzad/ dgung lo bdun cu pa la ngo mtshar ba'i ltas bsam gyis mi khyab pa dang bcas te gshegs so/ /de la bshad bka' 'dzin pa 'u yug khang gnyan zhang gsum/ man ngag gi brgyud 'dzin dmar dang / lho ba kun mkhyen rin chen dpal/ rtogs pa'i brgyud 'dzin tshogs sgom pa kun dga' dpal ba/ grub thob yon tan dpal/ de'i dbon 'phags pa rin po che/ khu bo la sogs pa dam pa