[A:18a]gnyis pa yang dag par bstan to zhes dang / 'di'i dus ni ston pa dgung lo don dgu pa/ rgyal po des rgyal srid bzung nas lo dgu bcu rtsa dgu pa'o/ /sangs rgyas nas lo bdun pa la sum cu rtsa gsum du yum gyi don mdzad de gsal ldan du lha las babs pa dang / mnyan yod du mu stegs ston pa drug la brten nas cho 'phrul chen po bstan pa sogs mdzad nas mya ngan las 'da' ba bstan te/ bcom ldan 'das kyis kun dga' bo la/ kun dga' bo gang su'ang rung / rdzu 'phrul gyi rkang pa bzhi la brten sgom mang du byas pa de 'dod na bskal pa'am bskal pa las lhag gi bar du'ang 'dug go /de bzhin gshegs pas rdzu 'phrul gyi rkang pa bzhi la brten sgom mang du byas pas de bzhin gshegs pa bzhed na/ bskal pa'am bskal pa las lhag pa'i bar du'ang bzhugs so/ /zhes lan gnyis lan gsum gyi bar du bskul yang / kun dga' bo bdud kyis khebs pas cang mi zer ro/ /de nas bdud sdig can gyis mya ngan las 'da' bar gsol ba btab pas zla ba gsum nas 'da' bar zhal gyis bzhes so/ /de nas bcom ldan 'das kyis 'tsho ba'i 'du byed ni byin gyis brlabs/ tshe'i 'du byed ni spangs so/ /de'i tshe sa g.yos/ skar mda' ltung / phyogs tshig go /bri dzi'i shing sha pa'i tshal du byon zhing der sa g.yos pa myur du mya ngan las 'da' ba'i rgyur bstan nas/ mdo sde la 'jug 'dul ba la snang / chos nyid dang mi 'gal na chos su gzung la/ de lta min na mi gzung ngo sogs bka' stsal/ mgar ba'i bu tsundas bshos gsol/ zla ba gsum mya ngan las mi 'da' bar gsol ba btab ste rtswa can du byon/ sku dngos kyi gdul bya tha ma dri za rab dga' dang / kun tu rgyu rab bzang btul de dge slong dag dkon mchog gsum dang bden pa bzhi la the tshom yod na zhus shig de nas sku'i stod g.yogs bsal te/ dge slong dag de bzhin gshegs pa lta ba ni rnyed par dka' yi/ de bzhin gshegs pa'i sku la ltos shig dge slong dag re zhig cang ma smra zhig dang / 'di ltar 'dus byas thams cad ni 'jig pa'i chos can yin te/ de la 'di ni de bzhin gshegs pa'i gsung gi tha ma yin no gsungs nas bsam gtan bzhi/ gzugs med bzhi 'gog snyoms la lugs 'byung lugs ldog tu snyoms par