[A:16a]dang po'i sangs rgyas rnam par spros nas/ der nyi ma de nyid la lha la sogs pa rnams la/ sangs rgyas kyis dbang bskur nas rgyas pa dang bsdus pa'i dbye bas gsang sngags kyi tshul thams cad bstan to zhes gsungs pas so/ /dpal ldan 'bras spungs la'ang man lung gu ru dngos su byon/ des lo rgyus bris te bod du bskur ba la 'phags pa'i yul gyi lho phyogs/ sngon sangs rgyas gser thub kyi bstan pa la drang srong rdzu 'phrul thob pa zhig gis 'bras so ba'i char phab/ de la rmangs lha la sogs pa'i sde brgyad dang / stod mi rdzu 'phrul thob pa dag gis bzhengs shing / phyi'i lcags ri 'di shAkya thub pa'i bstan pa la rgyal po ba la mai tri zhes pas mdzad zer ba byung / de tshad mar mdzad/ mkhas pa bu dol yang der 'chad pas grags tshod ni de skad che/ yang steng pa lo tsA ba tshul khrims 'byung gnas/ rga lo tsA ba gzhon nu dpal gnyis kyis a bha ya dang tsa mi'i gsung bskyar bar/ sngon yang dag par rdzogs pa'i sangs rgyas rdo rje 'chang gis 'og min du theg pa chen po ma lus pa gsungs shing khams gsum 'dir sems can thams cad la gsang sngags ston par bzhed nas khams gsum gyi gtso bo tshangs pa dang / dbang phyug dang / brgya byin la bstan na khams gsum kun la dar bar 'gyur bar dgongs te/ 'dzam bu gling gi rgyal po zas gtsang ma'i sras su skye ba bzhes nas rab tu byung ba dang / dka' ba spyad pa dang / sangs rgyas pa'i tshul bstan nas/ dbang po tha ma la nyan rang gi theg pa/ 'bring la phar phyin dang mdo sde zab mo rnams gsungs nas dbang po rnon po 'dod chags can rnams smin par bya ba'i don du lho phyogs 'bras spungs su gshegs te/ lha chen po bzhi la sogs pa snod du rung bar bya ba'i phyir chos kyi dbyings gsung gi dbang phyug gi dkyil 'khor rdo rje dbyings kyi dkyil 'khor gyi 'khor lo dang ngo bo gcig par bzhengs nas/ lha chen bzhi shaM bha la'i rgyal po 'khor bcas la sogs pa skal ba dang ldan pa rnams la dbang bskur nas theg pa chen po gsang sngags ma lus pa gsungs so/ /de'i tshe dbang phyug chen po la bu brgyad yod pa'i chung shos nag po chen po dbang yon du phul lo/ /de nas bcom ldan 'das kyis dbang bskur nas de la bstan pa gtad nas sngar phyi rol pa'i nag po yin yang / de phyin chad sangs rgyas pa'i nag po 'jig rten las 'das pa yin no/ /de ltar dbang bskur nas