[A:13a]yang dag pa'i lam la nges shes 'drongs pas lnga sde dge slong gi dngos por gyur te/ de dag khyim pa bzhin du bgo ba la/ sham thabs zlum por bgo ba la bslab par bya'o zhes bslab pa bcas so/ /phal cher lnga sdes mthong lam thob pa dang bsnyen par rdzogs so zer te/ chos kyi 'khor lo'i mdo rgya rol la sogs par de'i sngon du dge slong dag ces byung bas/ lam de thob pa ma yin kyang lam de la yid ches pa'o/ /chu stod kyi tshes bzhi la ston pas chos kyi 'khor lo gang du bskor snyam pa dang / drang srong lhung ba ri dwags kyi nags su sngon gyi sangs rgyas gsum gyis chos kyi 'khor lo bskor bar gzigs nas/ phyogs der khri stong byung ba'i gsum la bskor ba mdzad/ bzhi pa la skyil mo krung bcas te lnga sde bzang po dang / sde chen po brgyad dang / phyogs bcu'i sems dpa' dag lhags nas stong chen po 'di'i skra'i rtse mo'i cha shas tsam yang ma lus par khyab pa dang thabs cig tu bzhugs so/ /de nas tshangs pas bcom ldan 'das kyi zhabs la gtugs te phyag 'tshal nas lha'i 'dzam bu chu bo'i gser las byas pa'i 'khor lo rtsibs stong dang ldan pa rnam pa thams cad kyis brgyan pa/ nyin mor byed pa 'di'ang zil gyis gnon pa/ sngon gyi rgyal ba gsum gyis bzhes pa phul te chos kyi 'khor lo bskor bar gsol ba btab/ de'i tshe ri dwags ru ru gser gyi kha dog can zung nags nas thon te 'khor lo'i rtse mo la mig rtse gcig tu lta zhing 'khod do/ /de nas bcom ldan 'das nam gyi cha stod la 'phags pa'i mi smra bar bzhugs/ gung thun la 'bel bar gyur pa'i gtam dag gsungs/ nam gyi cha smad la lnga sde la bos nas lan gsum du bzlas te chos kyi 'khor lo rnam pa bcu gnyis su bskor bar mdzad pas stong chen 'di na bden bzhi gcig pu'i ming bye ba khrag khrig brgya stong phrag dgu bcu rtsa bzhi yod pa cig car grags par gyur to/ /de'i tshe lha rnams kyis kyang grogs po dag bcom ldan 'das wA rA Na sIr lan gsum du bzlas te chos kyi 'khor lo rnam pa bcu gnyis su chos dang ldan pa sus kyang 'jig rten du chos dang mthun pa 'ga' yang ma bskor ba zhig bskor bas lha'i rigs 'phel zhing / lha ma yin gyi rigs nyams so zhes sgra bsgrags so/ /bzlas pa dang pos ko'u di nya la chos kyi mig rdul dang bral ba skyes/ gnyis par de dgra bcom pas dkon mchog gsum grub/ lhag ma rnams la gnyis pa la chos kyi mig gsum pas dgra bcom/ lha brgyad khris bden pa mthong / dge bzang gi gtsug lag khang bzhengs/ grags pa sogs nye ba'i lnga sde grong pa'i gtso bo'i khye'u lnga bcu ka tya Na