[A:12a]par shes rab 'od 'byung gsol/ /ces sogs gsol bas cang mi gsung pa la/ tshangs pas/ kun tu 'tshal bar 'gyur pa mchis lags kyi/ /thub pa khyod kyis chos ni bstan du gsol/ /zhes zhus pa dang / ston pas/ tshangs pa nga yi tha ba kun/ /bcom nas tshegs chen gyis rtogs pa'i/ /chos 'di srid pa'i 'dod chags kyis/ /dkris pas bde blag rtogs ma yin/ /zhes gsungs pas/ 'jig rten du dbang po ratal 'bring rnon po dag kyang mchis pas/ 'bring po dag gi ngor bstan par zhus te/ tshangs pa mi rnams la ni gya nom chos/ /klan ka mi btsal mdo tsam bshad par bya/ /zhes sogs kyis zhal gyis bzhes so/ /thog mar 'dul sla ba su la chos bstan snyam pa dang / lhag spyod la ston par dgongs pas de 'das te zhag bdun lon par gzigs so/ /de bzhin du ring 'phur la ste de'ang 'das nas zhag gsum lon pas da ni lnga sde la bstan par bya'o/ /zhes dgongs pas ma ga dha nas gsal ldan du byon par bzhed de/ byang du ri ga ya dang / lteng rgyas dang / tsan da lar dang / grong khyer kha lo sgyur nas ganggA'i 'gram du gshegs te/ mnyan pas gru btsas blangs te/ nga la gru btsas med ces mkha' la gshegs nas lnga sde gang du gnas sar byon no/ /de'i tshe lnga sdes rgyang ring po nas byon pa mthong nas/ dge sbyong go'u ta ma lhod pa/ mang du za ba/ spong ba las nyams pa 'dir 'ong gi sus kyang bsu bar mi bya/ ldang bar mi bya/ chos gos dang lhung bzed blang bar mi bya/ stan lhag ma 'di la 'dod na 'dug cig zer ba'i 'og khrims bcas te/ kau di nyas sems kyis khas ma blangs so/ /der byon pa dang lnga sdes gzi brjid ma bzod nas khrims dral te stan las langs nas la la bsu/ la la gdan 'dings/ la la zhabs bkru ba'i chu bshams nas/ khyod legs par byon to/ /gdan 'di la bzhugs su gsol ces gsol ba dang / ston pas gdan la bzhugs nas lnga sde mgu bar bya ba'i phyir gtam mang po byas te/ lnga sdes tshe dang ldan pa go'u ta ma dbang po gsal la pags pa ni yongs su dag na ye shes mthong ba'i khyad par mngon du mdzad dam/ bka' stsal pa/ khyed de bzhin gshegs pa la tshe dang ldan pa ma zer cig yun ring po mi bde bar gyur ta re/ ngas ni bdud rtsi thob bo/ /sangs rgyas so/ /thams cad mkhyen pa'o/ /khyed cag gis 'og khrims 'di ltar ma bcas sam zhes bka' bstsal pas/ 'gyod de ston pa'i zhabs la gtugs te nyes pa bshags nas