[A:103a]pa'i ring bzhugs so zhes thos so// // ! da ni shambha lar ji ltar dar ba'i tshul ni/ dpal ldan 'bras spungs rgyal ba'i mchod rten chen por rgyal po zla ba bzang pos rgyud nyan nas phyir log ste lo de nyid la/ shambha la gangs ris zlum por bskor ba'i dbus na padma 'dab ma brgyad pa/ de re re la yul chen po bcu gnyis bcu gnyis/ de re re la rgyal po re re yod pa/ yul re re la'ang yul 'khor brgya phrag re re yod pa ste/ yul 'khor re re'ang grong 'bum phrag re la byed pa de ri lte ba gangs ri mu khyud lta bus bskor ba de'i nang na lhas brtsigs pa'i pho brang ka lA pa tshangs pa'i drang srong dag gnas pas thub pa mchog gi grong khyer zhes grags pa mi khyim bye ba phrag bcu gnyis yod pa de'i chu zheng dpag tshad bcu gnyis pa/ de'i lho phyogs kyi dbus na mA la ya'i skyed mos kyi tshal dang / tshal de'i g.yas g.yon na nye ba'i mtsho dang padma dkar po'i mtsho/ gsum ka'ang dpag tshad bcu gnyis pa/ mA la ya'i skyed mos tshal na dpal dus kyi 'khor lo'i blos bslang ba rin po che lnga'i rang bzhin gru bzhi pa/ rgyar khru bzhi brgya yod pa bzhengs/ rtsa ba'i rgyud stong phrag bcu gnyis pa la 'grel bshad stong phrag drug cu pa mdzad de lo gcig bshad/ rgyud bstan pa'i phyi lo'i rgyal nya la sras lha dbang rgyal sar bkod de/ rang nyid lcang lo can du gshegs so/ /sras ni sa'i snying po yin la/ de'i sras gshin rje mthar byed gzi brjid can/ sgrib sel zla bas byin/ rmugs byed lha'i dbang phyug khengs byed sna tshogs gzugs/ nam snying lha'i dbang ldan dang / de'i lha mo sna tshogs yum gyi mngal du 'jam pa'i dbyangs 'khrungs pa ni/ lha dang / lha ma yin dang / sprul pa'i sku rgyal po'i rigs chen po dgu bcu rtsa drug tu skyes pa rin po che'i cod pan chen po bcings pa grong bye ba'i bdag po rnams kyis zhabs kyi padmo la phyag byas pa/ de bzhin gshegs pa thams cad kyi shes rab kyi sku rgyal po chen po grags pa'o/ /des rgyal sa bzung nas lo go dgu tshun ni rtsa ba'i rgyud bshad la/ brgya pa la de bzhin gshegs pas bsdus pa'i rgyud bsdu bar lung bstan