[A:36a] bya ba/ mdo smad bra ti shar pa'i dbon po dpon slob rnams kyis bsnyen rdzogs zhus/ de dus bla ma bzod pa dang/ dge bshes grags pa seng ge dang/ grags 'od zer ba gcig rnams la nyams kyi snang ba la/ nyi ma shar phyogs su zla ba dang/ nyi ma dang/ skar phran che chung mang po 'gro yin 'dug pa snyam byed lags zhus pas/ rje pa'i dgongs pa la/ sngon rgya gar nas/ bod du bstan pa mgo ma dar ba'i snga ltas la 'di ltar byung pa yin/ de'ang rgya nag du bstan pa dar ba gcig 'gyogs par yong par 'dug/ de'i phyi lo dpal sen bya ba/ chu mo bya'i lo la rgya yul nas/ chos rje de ni legs pa'i gdan 'dren gyi rang ni/ du khang dang/ li du sri sogs phebs/ shing pho khyi lo la chos rje gong du thegs/ de dus rten ring srel bsam gyis mi khyab pa mang po rgya yul la gdan drangs shing/ me phag gi lo la/ rje rin po che'i drung du/ gong ma rgyal po lung dang/ gnang sbyin tshan che ba dang/ bod rgyal po grags se rgyal mtshan dpal bzang po dang/ gzhan yang chos dpon dang sde dpon rnams la yang lung gan gzhi sbyin mang po phebs/ de dus/ dbus gtsang gi rten byin rlabs can mang po phal che ba gdan drangs/ bstan pa rgya nag tu dar bar gyur pa dang/ yang phyogs nas de ring 'di 'dra gcig 'ong bar 'dug/ de'i grabs kyis gsung ba sogs thog du babs pa kho na 'ong ba yin la/ skabs gcig smon no pa ta bzhin rnams kyi sar lha sar gzhud pa/ de ring sems can smon par 'dug pas/ steng 'og tshor gad gyis/ gzhi grabs steng shod gnyis su gyis gsung/ de'i gro kha e byung ltos gsung/ lan gsum gyi bar skyar nas ma byung zhus pa na/ sgo 'gag du slob dpon