[A:56]phal che bas chos gsan/ rje rin po che'i gsung bgros thams cad thugs la mnga' bar grags/ mtshal min pa la dus 'khor gyi chos skor yang de skabs su gsan pa yin zhing/ slar yang bzad blo pa la slob dpon dbyig gnyen gyi gzhung lugs la mkhas par mdzad/ rang lo so gsum pa la rje gong ma'i phyag phyir snye phu shug gseb na bzhugs pa'i tshe/ gsang phu gling smad bgros rnying pas/ mkhas pa ratna shrI'i gdan sar spyan drangs/ sa mo bya'i lo nas chu mo phag gi bar la/ lo bco lngar gsang phur 'chad nyan mdzad/ phag lo nas rta lo'i bar lo brgyad shrI na lentra dang glang ri thang du phebs nas bya bral bshad nyan dang/ zur chos kyi sbyor rtsi mtshal pa rin rgyal gyis mdzad/ 'brug lo la rje rin po che gong ma bde bar gshegs pas thugs skyo nas/ rje ngor pa chen po mjal ba la/ dpon slob sum cu tsam gyis e waM chos ldan du phebs/ rje gong ma'i zhal nas sa skya dga' ldan gyi 'chad nyan la byon na legs zhes gsung yang e waM nyid du chos gsan pa dang/ mtshan nyid nyan bshad sgrags nas mdzad/ de nas chu pho spre'u'i lo la/ byams chen chos rje dang/ drung chen nor bu bzang po yon mchod kyis/ brag dmar chos sde'i 'chad snyan la spyan drangs/ 'chad nyan pa'i zhing khang phul/ chos dbar pan gyi khyung tshang du mdzad/ de nas lo bdun lon pa stag gi lo la/ rgya gan nang pas zi lung du spyan drangs/ sa phug dang sa zhing sku khams nam bzang gi bar du phul/ de'i tshe zur chos pa ni/ thog mar mtshal pa shes rin/ de rjes rgyal rong pa blo gros seng ge/ de rjes nyang stod pa zla ba seng ge rnams kyis mdzad/ de dag ni spyi pa'i yin la/ phyis rting bshes gnyen chos kyi bzang po la sogs so sor nges pa du ma byung ngo//
de dag gi skabs su sde snod kyi chos gsung pa ni/ gong du smos pa'i bslab sbyangs mthar phyin nas thugs la