[A:36]rnams kyi lung gsan nas/ dpyid chos la 'phrang phur phebs/ gnas der rje don yod dpal ba la 'dul ba kA ri ka lnga bcu pa'i lung/ slob dpon ka ma la shI la'i 'grel pa/ slob dpon tsandra go mis mdzad pa'i sdom pa nyi shu pa/ zhi ba 'tsho'i 'grel pa rnams 'phrang bu kun spang bsod nams bzang po bas zhus pa'i zhor nyan byas/ rang res grwa pa 'ga' la phya bsdus dang rigs gter sbrags nas phyogs snga ma'i ngos 'dzin dgag bsgrub spyi 'grel gzhung gnyis po dpral thug sprad pa'i mtheb sbyor bshad pas yid mgu ba byung gsung zhing/ de dus nyan pa'i gsang phu ka bcu pa pad rgyam zhu ba zhig gis mnga' ris kyi rnam rgyal chos sde sogs su/ tshad ma rigs gter gyi/
sde bdun rigs pa'i de nyid 'di yin zhes//
rgan po'i lugs ngan dor nas ngas 'di bshad//
zer ba'i 'di yin tshul dang/ 'dir bshad tshul shes mi da lta mnga' ris skor gsum na nga rang tsam du 'dug pa/ gsang phu'i slob dpon/
gzhon nu'i sku lus 'chad pa po//
ye shes sgron mes rab brgyan cing//
'jig rten gsum gyi mun sel ba//
'jam pa'i dbyangs gcig gi bka' drin las lags so//
zer ba byas pa tshig brjod lugs mtshar ba 'dra ba zhig byung nas/ chang sa tshun du bsgrags shing/ nged byis pa'i skabs kyang de'i gtam ma nyams par 'dug go//
der dbyar chos la gsang ne'u thog nyid du phebs shing/ rje nyid dgung lo bcu dgu'i stengs su'i phebs pa me pho stag gi lo rje don yod dpal ba'i gdan sa gnas sgo'i slob dpon du mnga' gsol phul nas chos kyi khri la bzhugs su gsol zhing/ rje don yod dpal bas dbyar chos grol ma khad rang chu bo ri dang/ chu shul gyi phag gdong gnyis su phar byon tshur byon mdzad/ bzad pa blo gros rgya mtsho ba la mngon pa kun las btus dang/ mdo sde rgyan gyi zhib bshad mthil phyin