[A:35]tha snyad chags pa yin pas go ba gyis shig/ gsung zhes de dus zhu ba'i gral la yod pa'i mnga' ris pa mkhas pa dkon bzang chen mo bya ba'i smra ba las nges so//
der dgung lo bco brgyad pa'i skabs kyi ston chag la yang gro sar phebs/ dmarsmar ston rgya mtsho rin chen pa'i drung du/ sngar mdo rtsa'i thugs bshad tshar gnyis gsan yang de res kyang gleng gzhi dang sbyar ba'i zhib bshad lhag par rgyas pa dang/ mngon pa mdzod rang 'grel dang bcas pa'i bshad sgros/ zul bu'i 'dul dkar zer ba'i mkhas pa cig gi 'grel pa'i steng nas gnang/ phyis rang re'i bye brag bshad mtsho rtsom skabs sngar gyi dpe e rnyed bltas kyang gtan ma rnyed cing/ gtsang phyogs na mchims nam mkha' grags dang/ mchims blo bzang pa dang/ mchims bsam gtan bzang po dang/ 'jam sgeg sogs kyi TI ka mang bar 'dug go//
phyis TI ka phal cher ni grags TIka la gzhi blangs pa yin gsung/ de dus dmarsmar ston pa la zhu mi 'dra 'dug pa'i zla la rgyal sras chos rdzong ba'i smyung gnas cho ga'i lung yang thob cing/ de dus gro sa pa 'od zer rgyal po dpal ba la bka' gdams lam rim dge ba'i bshes gnyen sne zur bas mdzad pa dang/ dpe chos rin spungs kyang zhus/ sems la 'jags po byung/ phyis spo to ba'i dpe chos yang yang bshad kyang lam rim rang res thob pa de'i dpe gcig 'ga' ma rnyed/ rgya ma sogs su 'bad pas btsal/ gro sa rang du rtsad bcad kyang ma rnyed pas yid 'phreng ba rang yod ces kyang gsung zer ro//
de'i dpyid sos kyang nA lendra nyid du rong ston chen po'i spyan sngar zhi byed utpa la 'dab drug dang/ jo bo nas brgyud pa'i sgrol ma nyer gcig gi rjes gnang las tshogs/ bcom ral gyis mdzad pa'i de bzhin gshegs pa klu dbang rgyal po'i sgrub thabs/ klu sgrub kyi bstod tshogs