[A:21]pham pa las dngos kyis nod pa'i bshad rgyud dri ma med pa dag bum pa gang byor nos shing/ gzhan yang thal rang gi dbu ma'i gzhung lugs rab 'byams ma lus pa yang/ dgongs 'grel mkhan po gang dang gang gis bkral ba'i gzhung lugs rma med pa rtog ge'i ngan rtog dag gis ci dgar ma sbags pa'i mtha' bral dbu ma'i dbyings gang gis mngon sum du gzigs pa'i yul dngos nyid 'doms shing de nyid ji lta bar yang thugs su byon no//
zhes bya ba'i gtan tshigs yang dag pa'i nges pa las kyang yid ches par don gyi byin rlabs 'pho ba'i lam pa ste/ tshig sbyor tsam bslab sbyangs su nod pa la tha snyad du sgrog pa dag gi spyod yul du ma gyur pa'i rnam par dgongs pa las kyang ngo//
de nas glang thang du de lo'i ston chag la phebs skabs/ theg chen chos kyi rgyal po'i sras kyi thu bo glang thang spyan snga kun dga' rgyal mtshan pa'i drung du gur mgon lha brgyad kyi rjes gnang gsan pa'i gtor ma'i bka' bsgo dus chos skyong dngos su bzhugs dgongs pa'i zil chen po dang/ bla ma dang chos skyong dbyer med par gzigs pa'i dad mos rgya cher 'khrungs shing/ de'i nyin man shA sa na'i sngags thun re yang gtan nas ma chag par byas/ phyis sa skya'i gnas mjal la byon dus dgu rum gyi bse 'bag nag po 'phur shes la mjal du phebs skabs/ dkon gnyer na re/ mdangs rmi lam du mgon pa'i gsung las/ sang nga dang sngon glang thang du 'phrad myong ba'i dge ba'i bshes gnyen cig 'phrad du yong ba yod gsung ba 'di la lta bar snang zer bas/ nged rang gis glang thang du chos skyong zhus pa'i dus kyi snang ba dran zhing snying nas yid ches thob ces drin can spyang lung pa'i gsung las thos pa'i ngag sgros so//
de'i phyi lo dbyar chos stengs su gsang phur phar tshad kyi blo gsar grwa skor gnang zhing/ 'di thad rnam thar