[A:207]pa'i gral la 'khod pa kun gyis sgrog cing/ de nas slar gser mdog can gyi chos grwa nyid du phebs nas dgun chos kyi dus chos skyong bar mdzad skad do// //
sngon rab mkhas pa yongs kyis ma gzigs pa'i//
legs bshad gzhung tshig la gnas mngon sum pa//
chos spyan yangs pas phra rgyas spu ris kyang//
ma 'dres gsal ba'i yul du legs par dgongs//
rang bzhed lung dang rigs pa'i dmag dpung gis//
gzhan zer lung rigs ltar snang sun phyung ba//
khyod kyis legs smras mkhas pa'i kha rgyan gyis//
bstan bcos gang de bstan pa'i nor rdzas nyid//
rgyal ba'i bka' dang dgongs 'grel bstan bcos dag//
gzhung tshig yi ge nyid la rab dpyad nas//
'di de'i dgongs pa 'di lta nyid yin zhes//
bden gsungs ljags las dag gsal 'doms par gsungs//
karma par grags bdun pa'i bka' yi 'phrin//
rab chags thugs rje'i lcags kyus yongs bskul bas//
yongs rdzogs bstan pa'i khur khyer glang po khyod//
srid dang zhi ba'i phun tshogs dbus der byon//
bshad mkhas gang gis chos don sgrar bsnyad tshe//
nyan mkhas snying la zim char bzhin du 'bab//
smra mkhas yongs kyis ched du sgrog pa'i gzhi//
brjod mkhas don bzang rgyal ba'i bka' dang mtshungs//
khyod gsung legs bshad lha yi rnga bo che//
thos pas ma rig gnyid las rab bslang zhing//
rab snyan lha rdzad pi waM gling bu'i sgra//
yun ring rna ba'i lam nas snying dbus bzhugs//
tshig dang don du bcas pa'i nges gsang ni//
rgyal ba'i chos rnams yongs kyi bcud bsdus pa//
gcig shes kun grol 'chad mkhas 'phrul gyi sgo//
dus der legs lam sgo brgya dbye bar mdzad//
ces paNDi