[A:19]de yin/ 'di la zhal bzhi pa lus dang grib ma'i tshul du rjes su 'brangs pas/ bar chad kyi g.yeng ba gang yang med par thos bsam mthar phyin par 'gyur nges pas slob dpon pa khyed kyis kyang bslab sbyangs kyi grogs dan yang dag mdzod cig ces gsung zhing gnyer gtad du mdzad nas/ de'i dbyar chos stengs su gsang phur phebs zhes gleng ngo//
de nas gnas sgor bzhugs pa'i phral gyi gnas kyi slob dpon ni mkhan chen nyi ma'i drung gis gnang/ rje don yod dpal ba phyogs kyi gdul bya phran bu la phebs pa sogs kyi skabs su yang dbon chung rang/ drung jo gdan pa'i rtsa rang du sdod cig// gzhan spyod pa chud bros yong gsung ba cig yod ces de dus kyi rje don yod dpal gyi grwa rgan mang dkar ba tshul khrims dpal mchog tu grags pa'i tshad ston gsang phu rang na bzang bar byas pa de nyid gsung zhes/ rdo rje slob dpon rab gsal zla ba mgon pa'i gsung las thos shing/ gong ma'i tshul khrims dpal mchog kyang rje de nyid kyi khu bo yin no//
de dus bdag nyid chen po de nyid skye ba'i gnas du mar grub sbyangs kyi lam mthon po'i go 'phang mngon par mdzad pa'i dbang las/ sgyu ma lta bu'i ting nge 'dzin thugs la gsal bar 'khrungs nas/ rang gi sku'i cha shas ma lus pa phyi gsal nang gsal shel snod dngas par gad chu bkod pa ltar gyur pas/ phyag sogs kyi 'gyur bas sku lus zang thal du song ba'i thugs myong dang/ res 'ga' sku lus rang yang ga re zhes phyag g.yas g.yon phan tshun gcig gis gcig btsal bas reg pa med par nyi zer la mdzub mos nyul ba ji lta ba'i tshul gyis dngos bral du dgongs par gyur cing/ dus der 'od gsal zla ba shar ba'i snang bas nyin mtshan dbye ba med par mtshan dus kyang nyin mo ltar bslab sbyangs kyi dpe mtha' dag gzigs pa la rtsol ba mdzad par gyur pa'i skabs/