[A:186]cha bzhag nas bsgrubs so//
de'i tshe gtan tsigs su gzhal ba yang bzhed lugs rnams grangs mang bar snang yang/ dpal ldan sa skya pa'i rjes su 'brangs nas/ shing mo yos kyi lo vc: 1495'di yan la ston pa sku bltams nas lo sum stong dang bdun brgya tham pa lon/ mya ngan las 'das nas bstan pa lo lnga stong du gnas par 'bum TIka las gsungs pa de'i dbang du byas pa'i lung gis dus kyi mngon pa'i dus lnga brgya pa phrag gcig thal nas/ mdo sde'i dus kyi mgo tshugs nas lo brgya dang nyi shu tsam gyi dus su/ mdo sde'i lhag 'byung 'gyur sum brgya brgyad cu tsam dang/ 'dul ba'i dus lnga brgya pa phrag gcig dang/ rtags tsam 'dzin pa'i lnga brgya pa phrag gcig lhag mar 'byung la/ dus kyi 'khor lo'i lugs kyi dngos bstan de nyid la 'dri bsnan med par byas pa'i tshe/ lo tsa ba nam mkha' bzang pos byas pa'i yi ge na/
gdengs can ri bo lag mig la//
khro mo la sogs 'das lo bsre//
de ni don grub bltams pa nas//
da lta'i bar gyi 'das pa'i lo//
zhes 'byung la/ de gzhir byas nas sngar lugs gsum gsal ba'i me long du/
sa mo glang gi lo yan du//
'byung ba dus dang me mig la//
kun dga' la sogs 'das lo bsre//
de ni don grub bltams pa nas//
da lta'i bar gyi 'das pa'i lo//
zhes gsungs pa de stengs su lo nyi shu rtsa drug bsres pas/ 'bras bu'i dus kyi lnga brgya pa phrag gsum dang/ sgrub pa'i dus kyi lnga brgya pa dang po thal nas/ lnga brgya pa phrag gnyis pa'i nang na yod pas 'byung 'gyur la sgrub pa'i dus kyi lnga brgya pa phrag gcig dang brgya lhag tsam dang/ lung gi dus kyi lnga brgya pa phrag thams cad lhag mar gnas shes/ chos 'khor deb ther mdzangs pa dga' byed nyid du ji ltar 'god par mdzad pa ltar 'dir bkod pa